ខេត្តឧត្តរមានជ័យ ៖ សិក្ខាកាមមកពីមន្ត្រីមន្ទីរអង្គភាពនិងមន្រ្តីមន្ទីរព័ត៌មានរួមទាំងអ្នកសារព័ត៌មានមកពីបណ្តាស្ថាប័នផ្សេងគ្នាក្នុងខេត្តឧត្តរមានជ័យចំនួន៩២នាក់ បានមកចូលរួមវគ្គបណ្តុះបណ្តាលជំនាញផ្នែកសសេរព័ត៌មាន និងជ្រើសរើសប្រធានបទ ស្រាវជ្រាវប្រមូលផ្តុំព៍ត័មានិងចែកបទពិសោធន៍គ្នាអោយកាន់តែយល់ច្បាសពីវិស័យយកព៍ត័មាន។ ពិធីនេះធ្វើឡើងនៅសាលប្រជុំសាលាខេត្តឧត្តរមានជ័យរយះពេលពីរថ្ងៃចាប់ថ្ងៃទី០៩ទី១០ ខែកក្កដាឆ្នាំ២០២០។
ឯកឧត្តម ឌី រ៉ាដូ បានមានប្រសាសន៍លើកឡើងថា ក្នុងបរិបទនៃលំហូរព័ត៌មានក្នុងយុគសម័យឌីជីថលនេះ វិស័យផ្សព្វផ្សាយ ពិតជាបានដើរតួយ៉ាងសំខាន់ ក្នុងការផ្តល់នូវព័ត៌មានពិតសម្រាប់សាធារណៈជន និងជាប្រយោជន៍ដ៏ឧត្តុងឧត្តមក្នុងការរួមចំណែកដល់ដំណើរការអភិវឌ្ឍសង្គមជាតិឱ្យមានការរីកចម្រើនជឿនលឿនទៅមុខ។ ដូច្នេះ ព័ត៌មានទាំងនោះ ទាមទារឱ្យអ្នកសរសេរ និងផលិតព័ត៌មានត្រូវតែមានសមត្ថភាពគ្រប់គ្រាន់ មានចំណេះជំនាញ មានក្រមសីលធម៌វិជ្ជាជីវៈអ្នកសារព័ត៌មាន ច្បាស់លាស់ ក្នុងការរៀបចំសរសេរខ្លឹមសារ និងការផលិតរូបភាព ឱ្យទទួលការចាប់អារម្មណ៍ពីមហាជន ក៏ដូចជាសាធារណៈមតិ និងប្រយុទ្ធប្រឆាំងនឹងព័ត៌មានមិនពិត ព័ត៌មានបំពុលសង្គម ដែលអាចបង្កជាមហន្តរាយណាមួយដល់សន្តិសុខ ស្ថិរភាពនយោបាយ និងការអភិវឌ្ឍរបស់ប្រទេសជាតិ៕
