រាជធានីភ្នំពេញ ៖ តុលាការរាជធានីភ្នំពេញ បានសម្រេចចោទប្រកាន់លោកឧកញ៉ា សង ថន ពីបទផ្តើមគំនិតគិតក្នុងបទបំផ្លាញដោយចេតនា នឹងគេងបំបាត់ដោយទុច្ចរិត ខណដែលលោកអភិបាលរងខេត្តបាត់ដំបងឈ្មោះ ស៊ូ អារ៉ាហ្វាត់ ត្រូវបានចោទប្រកាន់ពីបទបំផ្លាញដោយចេតនា និងគៃបំបាត់ដោយទុច្ចរិតនិងបទចោទមួយទៀត គឺបទស៊ីសំណូក ពាក់ព័ន្ធនឹងករណីដីធ្លីដ៏មហារសើបនៅស្រុកគាស់ក្រឡ ខេត្តបាត់ដំបង ។
សូមជម្រាបថា អង្គភាពប្រឆាំងអំពើពុករលួយ ACU នៅព្រឹកថ្ងៃទី០៧ ខែកក្កដា ឆ្នាំ២០២០ បាននាំខ្លួនលោក ស៊ូ អារ៉ាហ្វាត់ អភិបាលរងខេត្តបាត់ដំបង និងឧកញ៉ា សង ថន ដែលជាឈ្មួញដីធ្លីម្នាក់ទៅកាន់សាលាដំបូងរាជធានីភ្នំពេញជាថ្មីម្តងទៀត ដើម្បីឱ្យតំណាងអយ្យការបន្តបើកការសាកសួរ អំពីករណីពុករលួយរឿងដីធ្លី នៅស្រុកគាស់ក្រឡ ខេត្តបាត់ដំបង។ បន្ទាប់មកតំណាងអយ្យការអមសាលាដំបូងរាជធានីភ្នំពេញ លោក សឿន មុន្នីរ័ត្ន បានសម្រេចចោទប្រកាន់តែម្តង ៕
