ខេត្តបាត់ដំបង ៖ នាពេល កន្លងទៅនេះ លោក ច័ន្ទ សុផល អភិបាលនៃ គណៈអភិបាលខេត្ត បាត់ដំបង និងជាប្រធានគណៈ បញ្ជាការឯកភាពខេត្ត បានមាន ប្រសាសន៍ប្រាប់បណ្តាញផ្សព្វ ផ្សាយថា លោកមិនទុកឱ្យបន ល្បែងភ្នាល់ទឹកភ្លៀងនេះ ក្លាយ ជាទម្លាប់អាក្រក់ តទៅទៀត ត្រូវខិតខំធ្វើកិច្ចការនេះបង្ក្រាប។ ឯលោកឧត្តមសេនីយ៍ត្រី ស ថេត ស្នងការនគរបាលខេត្តបាត់ដំបង ក៏បានអះអាងថា នឹងមានវិធាន ការបង្ក្រាបដែរ ក៏ប៉ុន្តែមកដល ថ្ងៃទី ៣០ ខែមេសា ឆ្នាំ២០១៥ ប្រជាពលរដ្ឋនៅតែឃើញក្រុម មេបនល្បែងទឹកភ្លៀងនៅតែ មានសកម្មលេងភ្នាល់ទឹកភ្លៀងដ៏ ព្រហើនជាដដែល ។
សេចក្តីរាយការណ៍មួយពី ខេត្តបាត់ដំបងឱ្យដឹងថាមានមន្ត្រី ប៉ូលិសថ្នាក់នាយការិយាល័យនៃ ស្នងការដ្ឋាននគរបាលខេត្តមួយ រូប និងថ្នាក់មេបញ្ជាការរងកង រាជអាវុធហត្ថខេត្តផងដែរ រត់ ការបើកល្បែង(ទឹកភ្លៀងធួរ អាប៉ោង)ដោយឱ្យឈ្មោះ តាល់ ជាអ្នកចេញមុខបើកលេងយ៉ាង អនាធិបតេយ្យ ចាប់ពីខែមេសា ឆ្នាំ២០១៥ មកដល់ពេលនេះ ។
តាមប្រភពបានឱ្យដឹងថា ឈ្មោះ តាល់ និងឈ្មោះ ត្នោតជុំ គ្រាន់តែជាកូនដៃប្រមូលប្រាក់ បង់ឱ្យជំនាញប៉ុណ្ណោះ ។ ចំណែក អ្នកចូលរួមដេញថ្លៃបង់សៃយ៉ុង មាន ០៣ ទៅ ០៤ នាក់ នៅពី ក្រោយឈ្មោះ តាល់ ហើយមេ ធំដេញសៃយ៉ុងកាន់កាប់បាន មានឈ្មោះ រិទ្ធ ហៅ ៨០០ ។
ចំណែកមេធំៗជាអ្នករត់ ការឱ្យលេងមាននាយការិយា ល័យនៃស្នងការដ្ឋាននគរបាល ខេត្តនិងមេបញ្ជាការរងកងរាជ អាវុធហត្ថខេត្ត ។ ការបើកឱ្យ លេងល្បែងទឹកភ្លៀងបើគ្មាន សមត្ថកិច្ចទាំង ២នាក់នេះទេ គឺ មិនអាចបើកលេងបានឡើយ ហើយអ្នកលេងល្បែងទាំងអស់ បើមានការអះអាងពីឈ្មោះអ្នក ធំទាំងពីរនោះទើបហ៊ានទៅ លេង ព្រោះធានាថាគេមិនចុះ ចាប់ឡើយ ។
ប្រជាពលរដ្ឋបានធ្វើការរិះ គន់យ៉ាងខ្លាំងបន្ទាប់ពីបានមើល ឃើញដ៏ជាក់ស្តែងពីភាពកំសោយ ឬគ្មានការយកចិត្តទុកដាក់របស់ គណៈបញ្ជាការឯកភាពក្រុង និងខេត្តបាត់ដំបងបង្ក្រាបទៅ លើបនល្បែង ភ្នាល់ទឹកភ្លៀង ដែលជាវប្បធម៌កើតមានជាយូរ ឆ្នាំមកហើយនោះ ។
ប្រជាពលរដ្ឋនិយាយថា គម្របបើកឬបិទនៅលើដៃចៅ ហ្វាយខេត្ត មេប៉ូលិស មេប៉េអឹម បើល្បែងភ្នាល់ទឹកភ្លៀងដែលជា ប្រភពធ្វើឱ្យប្រជាពលរដ្ឋក្រល្ហេម ល្ហាមត្រូវបានបើកគម្របឱ្យលេង ម៉ាសេរីច្បាស់ជាខុសនឹងគោល នយោបាយកំណែទម្រង់ស៊ីជម្រៅ របស់រាជរដ្ឋាភិបាល ហើយសូម បិទគម្របវិញផងដើម្បីភាព ត្រជាក់ត្រជុំរបស់ប្រជាពលរដ្ឋ ៕
