ខេត្តកោះកុង ៖ ក្រោយពេលដែលលោក យួន ឈីវ អ្នកយកពត័មានគេហទំព័រសម្លេងសច្ចៈ និងកាសែតថ្ងែនេះបានចុះផ្សាយពត័មានអំពី <ដីព្រៃកោងកាង ព្រៃលិចទឹក នៅភូមិនេសាទ ឃុំជ្រោយស្វាយ ស្រុកស្រែអំបិល ត្រូវបានលួចលក់ទៅឲ្យ ឈ្មួញជាច្រើនម្ចាស់អស់ហើយ> នៅថ្ងៃទី៣ ខែសីហា ឆ្នាំ២០១៨ រួចមក នៅថ្ងៃទី៤ ខែសីហា លោក ថន រុន រស់នៅភូមិនេសាទ ឃុំជ្រោយស្វាយ ស្រុកស្រែអំបិល ខេត្តកោះកុង បានអញ្ជើញមកជួបលោក យួន ឈីវ ផ្ទាល់ដើម្បីបកស្រាយបំភ្លឺការពិត ចំពោះការចោទប្រកាន់ថារូបលោកបានលក់ដីព្រៃកោងកាង ព្រៃលិចទឹក នៅតំបន់ខាងលើ។
លោក ថន រុន បានអញ្ជើញមកបកស្រាយចំពោះមុខអ្នកសារព័ត៍មានឈ្មោះ យួន ឈីវថា រឿងដីព្រៃកោងកាង ព្រៃលិចទឹកនោះ ដែលប្រជាពលរដ្ឋបានចោទប្រកាន់រូបលោកថា លោក ថន រុន នេះបានផ្ទេរសិទ្ធកាន់កាប់ដីកោងកាងនេះទៅឲ្យលោក កៅ រតនា នោះ លោក ថន រុន សូមបញ្ជាក់ថា ដីដែលរូបលោកបានផ្ទេរសិទ្ធិកាន់កាប់ទៅឲ្យលោក កៅ រតនា នោះគឺជាដីភូមិចាស់របស់គាត់(លោក ថន រុន)ទេ ហើយមានដើមដួងជាច្រើនដើមផង ហើយដីទាំងអស់នេះដែលបានផ្ទេរសិទ្ធិ មានចំនួន១ហិកតា២អាទេ។ ចំណែកការលើកឡើងរបស់ប្រជាពលរដ្ឋថាគាត់(លោក ថន រុន)លក់ដីកោងកាងឬព្រៃលិចទឹកនោះ មិនមានការពិតទេ សូមបងប្អូនទាំងអស់កុំយល់ច្រឡំឲ្យសោះ។
លោក ថន រុន និយាយចំហរថា ដីព្រៃកោងកាង ព្រៃលិចទឹកនោះ មិនពាក់ពន្ធ័និងរូបលោកទេ ហើយដីទាំងអស់ដែលគេហ៊ុំពទ្ធ័ធ្វើរបងនោះគឺជាដីរបស់លោក តាំង ម៉េងយូរ និង លោក អៀង ធារ៉ាទេ ហើយលក់ទៅឲ្យលោក កៅ រតនា និងមានម្ចាស់ជាច្រើនទៀត។
លោកថន រុន អំពាវនាវសូមបងប្អូនទាំងអស់ និងតាមបណ្តាញសង្គមហ្វេសប៊ុក កុំជឿងពាក្យ ញុះញុង់ណាមួយនោះ។ លោក ថន រុន សូមច្រានចោលពាក្យមិនពិតដែលមនុស្សមួយចំនួនតូចចោទប្រកាន់មកលើរូបគាត់។
លោក ថន រុន ក៏បានសូមឲ្យអ្នកសារព័ត៍មានជួយធ្វើការបកស្រាយបំភ្លឺឲ្យបានច្បាស់លាស់ផង ជៀសវាងការយល់ច្រឡំពីប្រជាពលរដ្ឋ។
លោក ថន រុន និយាយបន្តទៀតថា កន្លងមករូបលោកបានជួយការងារក្នុងសង្គមជាច្រើន និងជួយកសាងសមិទ្ធផលក្នុងឃុំផងដែរ។ ចំណែកលោក យួន ឈីវ ក៏បានស្វាគមន៏ចំពោះការបកស្រាយបំភ្លឺការពិតរបស់លោក ថន រុន និងជូនជាពត័មានឲ្យមតិសាធារណៈបានជ្រាបការពិត ៕ដោយ យួន ឈីវ
