ខេត្តកោះកុង ៖ ប្រជាពលរដ្ឋរស់នៅក្នុងភូមិនេសាទ ឃុំជ្រោយស្វាយ ស្រុកស្រែអំបិល ខេត្តកោះកុង បាននិយាយលាតត្រដាងថា មេភូមិឈ្មោះ ខេង ឃង និងមេសហគមន៍ឈ្មោះ នង លឹមហ៊ាង បានឃុបឃិតគ្នាបើកដៃឲ្យអ្នកមានលុយមានអំណាច មករំលោភទិញដីព្រៃកោងកាង ព្រៃលិចទឹកនៅភូមិនេសាទ ឃុំជ្រោយស្វាយ ស្រុកស្រែអំបិល ខេត្តកោះកុង ដែលជាដីរបស់រដ្ឋហាមឃាត់មិនឲ្យជនណាម្នាក់មករំលោភបំពានបានទេ។ប្រជាពលរដ្ឋបាននិយាយជាចំហរថា ព្រៃកោងកាង ព្រៃលិចទឹក ប្រមាណ១៨ហិកតា ត្រូវបានមេភូមិ មេសហគមន៍ ស៊ីញ៉េយល់ព្រមលក់ទៅឲ្យឈ្មួញជាច្រើនម្ចាស់អស់ហើយ។
តាមសម្ដីប្រជាពលរដ្ឋនិយាយថា ជើងខ្លាំងដែលលួចលក់ដីព្រៃកោងកាង ព្រៃលិចទឹកនេះមានឈ្មោះ ថន រុនដែលជាអ្នកមានលុយ ហើយមានអំណាចមានខ្សែខ្នងធំនៅពីក្រោយខ្នង ទើបហ៊ានយកដីព្រៃកោងកាង ព្រៃលិចទឹករបស់រដ្ឋលក់ទៅឲ្យឈ្មួញមានខ្សែខ្នងធំៗយ៉ាងរំភើយ។ ប្រជាពលរដ្ឋនិយាយបន្តថាឈ្មោះ ថន រុន នេះលក់ដីព្រៃកោងកាង ព្រៃលិចទឹកបានលុយចំនួន៣៥ម៉ឺនដូល្លា លុយអាមេរិកាំង។
ចំណែកមេភូមិនេសាទឈ្មោះ ខេង ឃង បានប្រាប់អ្នកសារព័ត៍មានតាមទូរសព្ទ័ថា ដីនេះគាត់បានស៊ីញ៉េមែន ហើយស៊ីញ៉េទៅឲ្យឈ្មោះលោក តាំង ម៉េងយូរ ជាម្ចាស់ទិញដីនេះ មេភូមិ ខេង ឃង បន្តថា រឿងដីនេះមេសហគមន៍ ជាអ្នករត់ការទើបគាត់ស៊ីញ៉េជូនទៅ។
ចំណែកមេសហគមន៍ភូមិនេសាទឈ្មោះ នង លឹមហ៊ាង បានប្រាប់អ្នកសារព័ត៍មានតាមទូរសព្ទ័ថា ដីនេះលោក កៅ រត្ន័នា ជាអ្នកទិញដីព្រៃកោងកាងនេះ។ មេសហគមន៍ឈ្មោះ នង លឹមហ៊ាង បានបន្តថា បើចង់ដឹងរឿងដីនេះឲ្យសួរទៅលោក កៅ រត្ន័នា ទៅ កុំមកសួរគាត់ទៀត នេះជាសម្ដីមេសហគមន៍ នង លឹមហ៊ាង។
ពាក់ពន្ធ័ក្នុងរឿងលួចលក់ដីព្រៃកោងកាងនិងព្រៃលិចទឹកនេះ អ្នកសារព័ត៍មានយើងមិនអាចទំនាក់ទំនងទៅលោក កៅ រត្ន័នា បានទេ ពីព្រោះទូរសព្ទ័របស់លោកតេមិនចូល។ តាមប្រភពពីមន្ត្រីស្រុកបាននិយាយថា លោក កៅ រត្ន័នា នេះជាប៉ូលិសពាក់ផ្កាយ២ ខាងអន្តោប្រវេសន៍។
ចំណែកលោក ប៊ុន រ៉េ មេឃុំជ្រោយស្វាយ បានប្រាប់អ្នកសារព័ត៍មានតាមទូរសព្ទ័ថា រឿងមេភូមិ ខេង ឃង និង មេសហគមន៍ នង លឹមហ៊ាង នេះ រឿងថាគាត់ឲ្យប្រជាពលរដ្ឋផ្ដឹតមេដៃពីរឿងដីព្រៃលិចទឹក និងព្រៃកោងកាង ដែលមេសហគមន៍និងមេភូមិដើរឲ្យពលរដ្ឋមួយចំនួនផ្ដឹតមេដៃគាំទ្រព្រៃកោងកាងនិងព្រៃលិចទឹក ហើយយកទៅលក់ឲ្យអ្នកមានលុយមានអំណាចនោះ គាត់បានហៅអ្នកទាំងពីរមកសាលាឃុំ ហើយ។ហើយនិងធ្វើរបាយការណ៏មកសាលាស្រុករឿងដីនេះ។
លោក ប៊ុន រ៉េ បានបន្តថាប្រជាពលរដ្ឋបានថាគាត់ស៊ីញ៉េដីព្រៃកោងកាង និងព្រៃលិចទឹកនោះមិនពិតទេ គាត់បន្តទៀតថាគាត់បានស៊ីញ៉េដីមែន តែដីនោះគេមានឯកសារពីមេឃុំចាស់ពីមុនមក ទើបគាត់ហ៊ាន នេះជាសម្ដីលោក ប៊ុន រ៉េ
មេឃុំជ្រោយស្វាយ៊។ លោក ប៊ុន រ៉េ បន្តទៀតថាអ្នកដែលមកទិញដីនេះឈ្មោះជំទាវ សូម រស្មី ។
ប្រជាពលរដ្ឋលើកឡើងថា អ្នកមានលុយមានអំណាចកាប់លក់ដីព្រៃកោងកាង និងធ្វើរបងហ៊ុំពទ្ធ័គ្រប់កន្លែងតែមិនដែលអាជ្ញាធរណាហាមឃាត់បាន។តែពួកគាត់ធ្វើ ខាងអាជ្ញាធរហាមគាត់។
ពាក់ពន្ធ័រឿងដីព្រៃកោងកាង ព្រៃលិចទឹកនេះ អ្នកសារព័ត៍មានមិនអាចសុំការបំភ្លឺពី លោក ទួន សីលា អភិបាលស្រុកស្រែអំបិលបានទេ ពីព្រោះទូរសព្ទ័តេមិនចូល។
ចំណែក លោក ឡាង គីរី នាយខណ្ឌរដ្ឋបាលជលផលខេត្តកោះកុង បាននិយាយប្រាប់អ្នកសារព័ត៍មានតាមទូរសព្ទ័ថា គាត់និងចាត់វិធានការតាមផ្លូវច្បាប់ ដែលមេភូមិ មេសហគមន៍ ឃុបឃិតគ្នាលក់ដីព្រៃកោងកាង ព្រៃលិចទឹក ដែល ជាដីរបស់រដ្ឋ ជាពិសេសដីព្រៃកោងកាងសំខាន់ណាស់ ដីព្រៃកោងកាងនេះគឺជាជំរកមច្ឆាជាតិ ជីវ:ចំរុះដែលកើតចេញពីព្រៃកោងកាងនេះ។ លោក ឡាំង គីរី បន្តថានៅក្នុងឃុំជ្រោយស្វាយនេះ មានអ្នកមានលុយមាន អំណាច នៅពីក្រោយខ្នងចាប់យកដីព្រៃកោងកាងយកទៅលក់ឲ្យឈ្មួញធំៗ។ លោកបន្តទៀតថា លោកនិង ធ្វើរបាយការណ៏ជូនដល់រដ្ឋមន្រ្តី ពីព្រោះអ្នកទាំងអស់នោះមានខ្សែខ្នងធំណាស់មិនអាចបង្ក្រាបបានទេ។
លោក ឡាង គីរី និយាយបន្ថែមទៀតថា លោកនិងចាត់វិធានការតាមផ្លូវច្បាប់យកទៅតុលាការលើលោក ថន រុន នៅក្នុងភូមិនេសាទ ដែលបានកាប់ទទ្រ្ទានព្រៃកោងកាងនិងព្រៃលិចទឹក លោកបន្តថាកន្លងមកក្រុមគ្រួសារលោក ថន រុន នេះតែងតែអាងខ្សែអាងខ្នងពីក្រោយ ចាប់យកដីកោងកាងលក់ បានលុយជាង៣០ម៉ីនដូល្លាឯណ្ណោះ។
ការឃុបឃិតគ្នារវាងមេភូមិ មេសហគមន៍ និងអាជ្ញាធរ ដែលពាក់ពន្ធ័នៅក្នុងស្រុក ប្រហែលមានលាភសក្ការ:ពីមេឈ្មួញរកស៊ីទិញដីលក់ដីនេះហើយ ហើយក៍មានលាភសក្ការ:ពី ឈ្មោះ ថន រុន នេះដែរ ទើបអាជ្ញាធរទាំងនេះ មិនហ៊ានចាត់វិធានការចំពោះបុគ្គលនេះ។ ព្រៃកោងកាង ព្រៃលិចទឹកទាំងអស់នេះមុននិងក្រោយ គង់តែអស់ដោយសារអាជ្ញាធរឃុបឃិតគ្នាជាប្រពន្ធ័ រំលោភកាន់កាប់និងលួចលក់គ្មានខ្លាចច្បាប់។
កន្លងមករាជរដ្ឋាភិបាល បានហាមឃាត់យ៉ាងដាច់អហង្កការថា ក្រុមហ៊ុនណាមកវិនិយោគ មិនត្រូវ បំពានព្រៃកោងកាង ព្រៃលិចទឹកទេ បើមិនដូច្នេះទេ ត្រូវផ្អាកក្រុមហ៊ុននោះ បើចាំបាច់ត្រូវដកអាជ្ញាបណ្ណ័ចេញ នេះជាច្បាប់របស់រាជរដ្ឋាភិបាល។
សម្ដេចតេជោ ហ៊ុន សែន មានប្រសាសន៍ថា អ្នកមានអំណាច អ្នកមានលុយ កុំបំពានដីព្រៃកោងកាងនិងព្រៃលិចទឹក ត្រូវតែដកខ្លួនចេញជាបន្ទាន់ ។ដោយយួន ឈីវ
