រាជធានីភ្នំពេញ ៖ នៅថ្ងៃទី២៧ ខែកក្កដា ឆ្នាំ២០១៨ គណកម្មាធិការជាតិរៀបចំការបោះឆ្នោត ( គ.ជ.ប ) បានចេញសេចក្តីអំពាវនាវមួយដល់គ្រប់គណបក្សនយោបាយ បេក្ខជន ភ្នាក់ងារគណបក្សនយោបាយ អ្នកគាំទ្រគណបក្សនយោបាយ រួមនឹងអ្នកគ្រប់គ្រងបណ្តាញផ្សព្វផ្សាយព័ត៌មានគ្រប់ប្រភេទ ត្រូវរក្សាភាពស្ងប់ស្ងាត់ នៅថ្ងៃស និងថ្ងៃបោះឆ្នោត។
មួយវិញទៀត យោងតាមហ្វេសប៊ុក សម្តេចតេជោ ហ៊ុន សែន បានអំពាវនាវសូមបងប្អូនជនរួមជាតិរក្សាភាពស្ងប់ស្ងាត់នៅថ្ងៃស និងថ្ងៃបោះឆ្នោត ចាប់ពីម៉ោង១២យប់នៅថ្ងៃទី២៧ ខែកក្កដា ឆ្នាំ២០១៨ គណកម្មាធិការជាតិរៀបចំការបោះឆ្នោត (គ.ជ.ប) បានអំពាវនាវគ្រប់គណបក្សនយោបាយ, បេក្ខជន, ភ្នាក់ងារគណបក្សនយោបាយ, អ្នកគាំទ្រគណបក្សនយោបាយ រួមនឹងអ្នកគ្រប់គ្រងបណ្តាញផ្សព្វផ្សាយព័ត៌មានគ្រប់ប្រភេទ ត្រូវរក្សាភាពស្ងប់ស្ងាត់ នៅថ្ងៃស និងថ្ងៃបោះឆ្នោត។
យោងតាមមាត្រា៧២ នៃច្បាប់ស្តីពីការបោះឆ្នោតជ្រើសតាំងតំណាងរាស្ត្រ សកម្មភាពឃោសនាបោះឆ្នោតត្រូវបញ្ឈប់២៤ម៉ោង មុនថ្ងៃបោះឆ្នោត ចាប់ពីម៉ោង១២: ០០យប់ ថ្ងៃទី២៧ ខែកក្កដា រហូតដល់ម៉ោង១២: ០០យប់ ថ្ងៃទី២៩ ខែកក្កដា ឆ្នាំ២០១៨។
នៅក្នុងថ្ងៃបោះឆ្នោត សូមបងប្អូនកុំពាក់ខោអាវបក្ស ឬជិះរថយន្ត,ម៉ូតូ,ស៊ីក្លូ, រឺម៉កកង់បី, ទុកទុក ឬកោរសក់ឬគូសរូបជាផ្លាកសញ្ញា ឬជាលេខរៀងគណបក្ស ព្រោះ គ.ជ.ប មិនអនុញ្ញាត្តិអោយចូលបោះឆ្នោតឡើយ។
ដោយឡែក នៅថ្ងៃទី២៧ ខែកក្កដា ឆ្នាំ២០១៨ ដែលថ្ងៃបញ្ចប់ក្បួនយុទ្ធនាការឃោសនាបោះឆ្នោតជ្រើសរើសតំណាងរាស្ត្រនិតិកាលទី៦ គណបក្សនយោបាយដែលបានឈរឈ្មោះបោះឆ្នោត បាននាំគ្នាដង្ហែរក្បួនឃោសនាស្វែងរកសម្លេងគាំទ្រពីប្រជាជនជាលើកចុងក្រោយ ចំណែកគណបក្សប្រជាជនកម្ពុជាក៏បានបើកនិងដង្ហែរឃោសនានៅទូទាំងប្រទេសមានសមាជិកចូលរួមយ៉ាងច្រើនកុះករ៕
