ខេត្តកោះកុង ៖ ប្រជារាស្រ្តចំនួន៥៧៨គ្រួសារ នៅភូមិព្រះអង្គកែវ និងបាក់អង្រុត ឃុំដងពែង ស្រុកស្រែអំបិល ខេត្តកោះកុង បានមកទទួលព្រះរាជអំណោយ ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាត្សត្រនៃព្រះរាជាណាចក្រកម្ពុជា និង សម្ដេចព្រះមហាត្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការ:ដ៍ខ្ពង់ខ្ពស់បំផុត ប្រោសប្រទានជូនដល់បងប្អូនកូនចៅ ដែលរងគ្រោះធម្មជាតិដោយសារទឹកជំនន់លិចផ្ទះលិចដីស្រែចំការអស់។
ដឹកនាំព្រះរាជអំណោយដោយ សម្ដេចចៅហ្វាវាំង វរវៀងជ័យអធិបតីស្រឹង្គារ គង់ សំអុលឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង ព្រះរាជតំណាងដ៍ខ្ពង់ខ្ពស់បំផុត ព្រះករុណាជាអម្ចាស់ជីវិតលើត្បូង ព្រះមហាក្សត្រនៃព្រះរាជាណាចក្រកម្ពុជា។
អមដំណើរដោយលោកជំទាវ មិថុនា ភូថង អភិបាលខេត្តកោះកុង ព្រះរាជពិធីនេះ ប្រារព្វធ្វើនៅសាលាបឋមសិក្សាបាក់អង្រុត អំណោយព្រះករុណាព្រះបាទសម្ដេចព្រះបរមនាថ នរោត្ដម សីហមុនី ជូនដល់កូនចៅក្នុងមួយគ្រួសារ បានអំណោយពីព្រះករុណា ប្រទានថវិការ ២០០,០០០រ (ពីររយពាន់រៀលគត់)។អំណោយប្រទានរបស់សម្ដេចព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ ប្រទានជូនដល់ កូនចៅ ថវិការចំនួន ២០០,០០០រ (ពីររយពាន់រៀលគត់) នៅក្នុងព្រះរាជអំណោយនោះ មានអង្ក១បាវ៥០គីឡូ ត្រីខ២យូរ មី២កេះ តង់២ ឈិប២ក្នុងឈិបនោះមានឥវ៉ាន់គ្រប់មុខ ប្រជារាស្រ្តក្នុង១គ្រួសារបាន ថវិការសរុបចំនួន៤០០,០០០រ ព្រមពេលនោះដែរ ព្រះករុណាជាអម្ចាស់ជីវិតលើត្បូង បានប្រទាន ព្រះឆៃយាលក្ខ័ជូនដល់កូនចៅទុកគោរពនិងដឹងគុណដល់ព្រះករុណាព្រះបាទសម្ដចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ៕(ដោយ យួន ឈីវ)
