ខេត្តកោះកុង ៖ លោកជំទាវ ពុំ ច័ន្ទីនី អគ្គលេខាធិការកាកបាទក្រហមកម្ពុជានិងជាតំណាងដ៍ខ្ពង់ខ្ពស់សម្តេចគតិព្រឹទ្ធបណ្ឌិត ប៊ុនរានី ហ៊ុនសែន ប្រធានកាកបាទក្រហមកម្ពុជា និងលោកជំទាវ មិថុនា ភូថង អភិបាលខេត្តកោះកុង និងជាប្រធានកាកបាទក្រហមកម្ពុជាខេត្តកោះកុង ព្រមទាំងក្រុមការងារទាំងអស់ បានយកអំណោយកាកបាទក្រហមកម្ពុជា យកមកចែកជូនប្រជាពលរដ្ឋរងគ្រោះទឹកលិច នៅឃុំស្រែអំបិល ស្រុកស្រែអំបិល ខេត្តកោះកុង មានចំនួន១៩៥គ្រួសារ ដោយទទួលអំណោយពីកាកបាទក្រហមកម្ពុជា ម្នាក់ៗបានអង្ក២៥គីឡូ មី១កេះ ត្រីខរ១យួរ ថវិការ១ម៉ឺនរៀល ដែលនេះជាអំណោយមនុស្សធម៍កើតចេញពីទឹកចិត្តមនុស្សធម៍ សំរាប់ចែកជូនប្រជាពលរដ្ឋដែលជួបការលំបាករងគ្រោះនិងចាស់ជរា អ្នកទីទល័ក្រ នេះជាអំណោយទឹកចិត្តជ្រះថ្លាកើតចេញពីបេះដូងមនុស្សធម៍។អំណោយទាំងអស់នេះជាទឹកចិត្តបន្តិចបន្ទួចចែកជូនពលរដ្ឋគ្រាន់បានរំដោះពេលបានខ្លះនៅក្នុងការងគ្រោះដោយទឹកជន់លិច។
ប្រជាពលរដ្ឋរងគ្រោះទាំងអស់ត្រេកអរយ៉ាងខ្លាំង ចំពោះកាកបាទក្រហមកម្ពុជាជា ពិសេសនោះពលរដ្ឋអរគុណដល់លោកជំទាវ គតិព្រឹទ្ធបណ្ឌិត ប៊ុនរានី ហ៊ុនសែន ដែលជាប្រធានកាកបាទក្រហមកម្ពុជា តែងតែយកចិត្តដាក់ចំពោះពលរដ្ឋដែលរងគ្រោះជួបការលំបាកតែងតែមានអំណោយមនុស្សធម៍មកដល់នេះ ហើយជាទឹកចិត្តថ្លៃថ្លាចំពោះអ្នកដែលជួបលំបាក។
ប្រជាពលរដ្ឋជូនពរដល់ប្រធានកាកបាទក្រហមកម្ពុជាឲ្យជួបតែសេចក្ដីសុខនិងអាយុវែង តទៅទៀត សំរាប់ជួយប្រជាពលរដ្ឋ។ នៅក្នុងការចែកអំណោយនោះក៍មាន មន្ទីរសុខាភិបាលខេត្តកោះកុង ចុះពិនិត្យជំងឺសុខភាពជូនប្រជាពលរដ្ឋដោយមិនអស់លុយ ហើយចែកថ្នាំជូនពួកគាត់យ៉ាងយកចិត្តទុកដាក់៕ដោយ យួន ឈីវ
