រាជធានីភ្នំពេញ ៖ វេលាព្រឹកថ្ងៃសុក្រ ៨កើត ខែទុតិយាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី ២០ ខែកក្កដា ឆ្នាំ ២០១៨ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការ:ដ៏ខ្ពង់ខ្ពស់បំផុតបាន សព្វព្រះរាជហឫទ័យសេ្តចយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីសិតទៀនវស្សាព្រះរាជទ្រព្យ ដើម្បីប្រោសព្រះរាជទាន ត្រាស់បង្គាប់ព្រះរាជតំណាងដ៏ខ្ពង់ខ្ពស់របស់ព្រះអង្គ ដង្ហែទៅប្រគេន ព្រះសង្ឃនឹងគង់ចាំព្រះវស្សាក្នុងរយៈពេលមួយត្រីមាស នៅតាមទីអារាមនាៗ ដើម្បីវេប្រគេនព្រះសង្ឃបានជាស្បៀង គ្រឿងរណ្តាប់ត្រៀមលក្ខណៈនៅក្នុងរដូវបុណ្យចូលព្រះវស្សាចាប់ពីថ្ងៃ១រោជ ខែអាសាឍ រហូតដល់ថ្ងៃ១៤កើត ខែអស្សុជ ខាងមុខនេះ ៕
