ខេត្តព្រះសីហនុ ៖ កាលពីព្រលប់ថ្ងៃទី១៩ ខែកក្កដា ឆ្នាំ២០១៨ តាមប្រភពពត័មានរាយការណ៍ថា ជនជាតិចិនម្នាក់ដែលជាកម្មករសំណង់ បានបាត់ខ្លួននៅក្នុងទឹកសមុទ្រ ខណៈពេលចុះហែលទឹកលេងជាមួយជនជាតិចិន៣នាក់ផ្សេងទៀត ។
ការបាត់ខ្លួនជនជាតិចិននេះ ត្រូវបានសមត្ថកិច្ចប្រាប់ថា បាត់ខ្លួននៅសមុទ្រឆ្នេរកន្ទុយនាគ មុខឆ្នេរសុខាអូតែល ស្ថិតក្នុងសង្កាត់លេខ៣ ក្រុងព្រះសីហនុ ខេត្តព្រះសីហនុ ដែលគេសន្និដ្ឋានថា ជនរងគ្រោះត្រូវរលកសមុទ្រធំៗបោកពន្លិចបាត់ស្រមោល។
ជនរងគ្រោះឈ្មោះ LIU QIANG ភេទប្រុស ឆ្នាំកំណើត 01.04.1991 កាន់លិខិតឆ្លងដែនលេខ E68478103 មុខរបរជាកម្មករសំណង់។
ក្រោយកើតហេតុ សមត្ថកិច្ចនិងក្រុមជួយសង្គ្រោះបានប្រើម៉ូតូទឹកស្វែងរកជនរងគ្រោះរហូតដល់យប់ ប៉ុន្តែមិនទាន់ប្រទះឃើញនៅឡើយ៕
