ខេត្តព្រះសីហនុ ៖ តាមការរាយការណ៍ថា គិតត្រឹមម៉ោង ១០ព្រឹក ថ្ងៃទី១៨ ខែកក្កដា ឆ្នាំ២០១៨ នេះ ទឹកស្ទឹងសំរោង ស្ថិតនៅចំណុចស្ពានសំរោង ផ្លូវជាតិលេខ៤ ភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ បានបន្តហក់កើនឡើងដល់កម្ពស់៧,១០ ម៉ែត្រ ហើយទឹកជំនន់កំពុងបន្តហូរកាត់ពីលើផ្លូវជាតិលេខ៤ និងស្ពានមានប្រវែងប្រមាណ១ គម ក្នុងកម្ពស់ពី ១,៥០ ទៅ ១,៦០ ម៉ែត្រឯណោះ ។
តាមប្រភពពត័មានពីសមត្ថកិច្ចប្រចាំការនៅទីនោះ បានបញ្ជាក់ថា ដោយសារតែមានភ្លៀងធ្លាក់ជាបន្តបន្ទាប់ តាមការសន្និដ្ឋាន ទឹកអាចនឹងបន្តកើនឡើងជាបន្តទៀត ហើយកំណាត់ផ្លូវជាតិលេខ៤នឹងបន្តបិទចរាចរជាបណ្តោះអាសន្នផងដែរ ៕
