ខេត្តកោះកុង ៖ ប្រជាពលរដ្ឋបានរិះគន់ទៅលើលោក ហិន ឡា ប្រធានផ្នែករដ្ឋបាលជលផលបូទុមសាគរឈរជើងនៅឃុំថ្មស ដែលមានទីស្នាក់នៅចំណុចពយអំបិល ស្ថិតក្នុងភូមិចំលងគោ ឃុំថ្មស ស្រុកបូទុសាគរ ខេត្តកោះកុង ថាបានបើកដៃឲ្យទូកអូសខ្ចងហូលដែលមិនមានច្បាប់គ្រប់គ្រាន់ក្នុងការអូសខ្ចងហូល ចូលអូសនៅក្នុងតំបន់ទឹករាក់ ហើយទូកអូសខ្យងហូលនេះសុទ្ធតែទូកធំៗដែលមកពីខាង កំពង់សោម ហើយនិងទូកនៅថ្មសនេះផងដែរ។
តាមការលើកឡើងរបស់ប្រជាពលរដ្ឋទូទាំងឃុំថ្មសបាននិយាយថា សព្វថ្ងៃនេះពួកគាត់ជាអ្នកនេសាទនៅក្នុងតំបន់ទឹករាក់ ពិបាករកស៊ីទទទួលទានណាស់ ដោយសារជលផលបើកដៃឲ្យទូកធំៗចូលមកនេសាទក្នុងតំបន់ទឹករាក់នេះ ដែលពួកគាត់ មានទូកនេសាទតូចដាក់ក្ដាមចាប់បង្គារត្រី។ល។ប្រជាពលរដ្ឋបានបន្តថា សព្វថ្ងៃនេះផលនេសាទថយចុះយ៉ាងខ្លាំងដោយសារទូកអូសមងហោះចូលមកតំបន់ទឹករាក់ ហើយជលផលមិនហ៊ានបង្ក្រាបបឹទភ្នែកយកលុយ នេះជាការលើកឡើងរបស់ប្រជានេសាទ។
តាមប្រភពដដែលបាននិយាយថា ទូកអូសខ្ចងហូលអូសនៅតំបន់ទឹករាក់នេះធ្វើឲ្យប៉ះពាល់ដល់មងក្ដាមមងបង្គារបស់ប្រជានេសាទ ហើយអូសយកទាំងមងរបស់គាត់អស់ដែលនេសាទនៅជិតទីនោះ។ប្រជាពលរដ្ឋបន្តទៀតថា ទូកអូសខ្ចងហូលមានជាង៣០ទូកឯណ្ណោះនៅតំបន់ទឹករាក់។
ចំណែកលោក ហិន ឡា ប្រធានផ្នែកជលផលបានប្រាប់អ្នកសារពត៍មានតាមទូរស័ព្ទថា ទូកអូសខ្ចងហូលមានត្រឹមតែ១៦ទូកទេ ដែលមានលិខិតបញ្ជាក់ពីនាយខណ្ខរដ្ឋបាលជលផលខេត្តកោះកុង ហើយលិខិតនោះបញ្ជាក់ដោយលោក ឡាង គីរី ជានាយខណ្ខរដ្ឋបាលជលផលកោះកុង។លោក ហិន ឡា បន្តថារឿងទូកអូសខ្យងលើសពីនេះគាត់មិនបានដឹងទេចាំគាត់មកពីខេត្តវិញចាំគាត់ចុះពិនិត្យមើល។
ចំណែកលោក ឡាង គីរី នាយខណ្ខរដ្ឋបាលជលផលកោះកុង បាននិយាយប្រាប់អ្នកសារព័ត៍មានតាមទូរស័ព្ទថា ឲ្យចុះផ្សាយទៅចេញពត៍មានទៅ ថាជលផលយកលុយក្នុង១ទូក២ ០០០ ០០០ រៀល១ទូក យកលុយពីរលានរៀល នេះជាសម្ដីលោក ឡាង គីរី។ លោក ឡាង គីរី បន្តថា ទូកអូសខ្ចងហូលមានត្រឹមតែ១៦ទូកទៅ១៩ទូកទេ មិនមានច្រើននោះទេ នេះជាសម្ដីលោក ឡាង គីរី។
