រាជធានីភ្នំពេញ ៖ នាព្រឹកថ្ងៃចន្ទ័ ទី១១ ខែឧសភា ឆ្នាំ២០១៨ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា បានរៀបចំពិធីទទួលបដិសណ្ឋារកិច្ចផ្លូវការ នៅទីស្តីការគណៈរដ្ឋមន្ត្រី ចំពោះលោកជំទាវ ស្រីម៉ាទី នីម៉ាឡា រដ្ឋមន្ត្រីក្រសួងការពារប្រទេសនៃសាធារណៈរដ្ឋឥណ្ឌា។
បន្ទាប់ពីបញ្ចប់ជំនួបសវនការ សម្តេចពិជ័យសេនា ទៀ បាញ់ និងលោកជំទាវ ស្រីម៉ាទី នីម៉ាឡា នឹងអញ្ញើញជាអធិបតីភាពរួមគ្នាចុះហត្ថលេខា លើកិច្ចសហប្រតិបត្តិការរវាងក្រសួងការពារជាតិកម្ពុជា និងក្រសួងការពារប្រទេសនៃសាធារណរដ្ឋឥណ្ឌា នេះបើតាមការបញ្ជាក់របស់ក្រសួងការពារជាតិ។
ប្រភពខាងលើបន្ថែមថា លោកជំទាវ ស្រីម៉ាទី នីម៉ាឡា នឹងដឹកនាំគណប្រតិភូ ក្រសួងការពារប្រទេសឥណ្ឌាចូលជួបសម្តែងការគួរសមចំពោះសម្តេចអគ្គមហាសេនាបតីតេជោ ហ៊ុន សែន នៅវិមានសន្តិភាពផងដែរ ។
សូមជំរាបថា លោកជំទាវ ស្រីម៉ាទី នីម៉ាឡា រដ្ឋមន្ត្រីក្រសួងការពារប្រទេសនៃសាធារណៈរដ្ឋឥណ្ឌាបានដឹកនាំគណប្រតិភូមកបំពេញទស្សនកិច្ចផ្លូវការនៅកម្ពុជារយៈពេល៣ថ្ងៃ ចាប់ពីថ្ងៃទី ១០ ដល់ទី ១២ មិថុនា ឆ្នាំ២០១៨ តបតាមការអញ្ជើញរបស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា ៕
