បន្ទាយមានជ័យ ៖ តាមប្រភពពត័មានចុងក្រោយឲ្យដឹងថា សមត្ថកិច្ចបានដោះលែងអតីតព្រះសង្ឃ ស្រិល វណ្ណា អតីតចៅអធិការវត្តភ្នំបាក់ និងជាអនុគណក្រុងសិរីសោភ័ណ ដែលធ្លាយវីដេអូជាមួយស្រីស្នេហ៍ធ្វើឲ្យកក្រើក Facebook ផ្អើលពេញប្រទេសឲ្យត្រឡប់ទៅផ្ទះវិញហើយ បន្ទាប់ពីថ្នាក់ដឹកនាំសង្ឃនិងមន្ត្រីធម្មការ បានសម្រេចចាប់ផ្សឹកអតីតសង្ឃរូបនោះ ហើយនាំខ្លួនទៅស្នងការនគរបាលខេត្តបន្ទាយមានជ័យ ។
ការដោះលែងនោះត្រូវបានធ្វើឡើង កាលពីរសៀលថ្ងៃទី៥ ខែមិថុនា ហើយចំពោះរឿងប្ដឹងផ្ដល់ត្រូវបានចាស់ទុំសម្របសម្រួលគ្នារកដំណោះស្រាយបន្តទៀត ។ នេះបើយោងតាមការអះអាងរបស់មន្ត្រីនគរបាលខេត្តបន្ទាយមានជ័យ រួមទាំងមន្ត្រីធម្មការខេត្ត ។ យើងនិងផ្សាយពត័មានថ្មីៗបន្តទៀត សូមរង់ចាំអានបន្តទៀត៕
