ខេត្តរនៈគិរី ៖ កាលពីពេលថ្មីៗនេះ បទល្មើសព្រៃឈើឆ្លងដែនខុសច្បាប់ហាក់បីដូចជាមានសភាពស្ងប់ស្ងាតមួយរយៈ ធ្វើអោយបាត់ចំណូលនិងផលប្រយោជន៍ជាច្រើន ដែល មន្ត្រីគ្រាប់ល្ពៅមួយចំនួននៅខេត្តរតនៈគីរីធ្លាប់ទទួលបានតាមបែបពុករលួយ ទើបមន្ត្រីអសកម្មមួយក្ដាប់តូចងាកមកប្រើរូបភាពត្រីងៀតឆ្លៀតពង ដូចជានៅក្នុងស្រុកអូយ៉ាដាវ ពេលកន្លងទៅនេះ ឈ្មួញរកស៊ីឈើខុសច្បាប់មួយរូបត្រូវបានគេស្គាល់ថាជាមន្ត្រីនគរបាលស្រុក បានប្រព្រឹត្តសកម្មភាព បទល្មើសព្រៃឈើក្នុងដែនជំរកឧន្យានជាតិវិរៈជ័យ ដោយប្រើប្រាស់រថយន្ត្កែឆ្នៃ ដើម្បីដឹកជញ្ជូនឈើពីតំបន់ខាងលើទៅលក់នៅប្រទេសវៀតណាម តែត្រូវបានកងកម្លាំងមន្ទីរបរិស្ថានខេត្ត ប្រចាំគោលដៅខាងលើធ្វើការបង្ក្រាប ដោយមានការរាយកាណ៏ពីសារព័ត៌មានក្នុងស្រុក លុះចាប់ហើយក៏ដោះលែងវិញស្ងាត់ៗ សង្ស័យត្រូវរ៉ូវគ្នា បង់លុយបងកាក់តាមបែបពុករលួយហើយមើលទៅបានជាដោះលែងវិញយ៉ាងដូច្នេះ។
ជាក់ស្ដែង កាលពីអំឡុងចុងខែឧសភាឆ្នាំ2018 នេះមានការផ្ទេមុខតំណែងតួនាទីមន្ត្រីនគរបាលជាច្រើនរូប នៃស្នងការដ្ឋាននគបាលខេត្តរតនៈគិរី រួចមកទល់ថ្ងៃទី01 ខែមិថុនា ឆ្នាំ2018 ក៏មានសកម្មភាពចរាចរណ៍ឈើប្រណិត ខុសច្បាប់យ៉ាងគគ្រឹកគគ្រេងរបស់ឈ្មួញមួយចំនួនមានឈ្មោះដូចខាងក្រោម ៖
ទី1 ឈ្មោះ ទូច នឹងប្រពន្ធឈ្មោះ ចែណាត ដែលត្រូវបានគេស្គាល់ថាជាឈ្មួញដុះស្លែប្រចាំខេត្តរតនៈគិរីនេះតែម្ដង នឹងមានបានលុយពីបទល្មើសខាងលើធ្វើផ្ទះអស់រាបម៉ឺនដុល្លាទៀតផង។ទី2ឈ្មោះ ស្រី ល័ក្ខ ជាឈ្មួញធំប្រចាំ ខេត្តដ៏ល្បីឈ្មោះមួយរូប ដែលល្បីខាងបង់លុយខែអោយពួកមន្ត្រីគ្រប់ស្ថាប័ន មានផ្ទះធំ នឹងមានឡានសេរីទំនើប570 ជិះបង្អួតសមត្ថកិច្ចទៀតផង។ទី3 ឈ្មោះ ចាន ធី ឈ្មោះ ចែរ៉ា ឈ្មោះ លោកម៉េង ឈ្មោះ ស្រីនាង លឺល្បីថាអាងខ្នងសុទ្ធតែអភិបាលរងខេត្តទៀតផង នឹងមានរថយន្តជាច្រើនគ្រឿងទៀតដូចខាងក្រោម៖
រថយន្តម៉ាកបាឡែនព័ណទឹកប្រាក់ ស្លាកលេខ7731 បាឡែនព័ណស្ករ ស្លាកលេខ 9636 បាឡែនព័ណត្រេអ៊ី ស្លាកលេខ6381 បាឡែនព័ណប្រផេះ ស្លាកលេខ 853 បាឡែនព័ណស ស្លាកលេខ0470 បាឡែនព័ណស ស្លាកលេខ 7168
បាឡែនព័ណស្ក ស្លាកលេខ 8168 បាឡែនព័ណស ស្លាកលេខ 8335 បាឡែនព័ណស ស្លាកលេខ 3507 សាំយ៉ុងស ស្លាកលេខ0365 សាំយ៉ុងស ស្លាកលេខ4414 សាំយ៉ុងសស្លាកលេខ 0381 សាំយ៉ុងស ស្លាកលេខ 0272
ដែលកំពុងសំរុកដឹកឈើទាំងថ្ងៃទាំងយប់ឆ្លងដែនខុសច្បាប់តាមច្រកអន្តរជាតិទ្វេរភាគី អូយ៉ាដាវ ដែលមានលោក អ៊ី ចំរើន ជាមេច្រក។
ដោយឡែកមានការលើកឡើងថា ៖ លោក ជា តារា ប្រធានការិយ៉ាល័យប្រឆាំងបទស្មើសសេដ្ឌកិច្ចនៃស្នងការដ្ឋាននគរបាលខេត្តរតនៈគិរី ទើបឡើងកាន់មុខតំណែងនាពេលនេះ មិនមានវិធានការបង្ក្រាបបទល្មើសព្រៃឈើឆ្លងដែនខុសច្បាប់ខាងលើឡើយ ឬជាការស្រូតប្រមូលលុយពីបទល្មើសខាងលើដើម្បីស្រង់ដើម ក្នុងការតូយកតំណែងជាប្រធានការិយាល័យឫយ៉ាងណា?
ចំណែកលោក ងួន សុវណ្ណា ហៅអូនធំ មេបញ្ជាការវិរៈកាពាព្រំដែនគោកលេខ 623 ក៏បានឃុបឃិតគ្នា ជាមួយឈ្មួញខាងលើដែរបានជាមិនមានវិធានកាបង្ក្រាបនោះ ៕ដោយ គង្គារ
