ខេត្តកោះកុង ៖ នៅស្រុកបូទុមសាគរ ខេត្តកោះកុង បែកធ្លាយរឿងដីធ្លីដែលប្រជាពលរដ្ឋអត់ដីបង្កបង្កើនផលរាប់រយគ្រួសារ ពួកគាត់មានតែ ក្រដាសបែងចែកដីធ្លីដែលដោះស្រាយដោយគណៈកម្មាធិការ អន្តរក្រសួងដោះស្រាយដីធ្លី នៅក្នុងតំបន់វិនិយោគអភិវឌ្ឍន៍របស់ក្រុមហ៊ុនញូញៀន ដែលបានទទួលសិទ្ធិក្នុងការវិនិយោគដីសម្បទានសេដ្ឋកិច្ច ដែលមានទីតាំងនៅស្រុកបូទុមសាគរ ខេត្តកោះកុង ប៉ុន្តែមកទល់ពេលនេះប្រជាពលរដ្ឋអត់ដឹងថាដីនៅកន្លែងណា ចំណែកលោក អៀង ធារ៉ា អគ្គនាយកក្រុមហ៊ុនអៀងគ្រុបបានទទួលដី៣៥០ហិកតាយ៉ាងរលូន។
ប្រជាពលរដ្ឋរងគ្រោះបានឲ្យដឹងថា នៅចុងឆ្នាំ២០០៩ ខាងភាគីក្រុមហ៊ុនញូញៀនបានសន្យាអះអាងថា និងប្រគល់ថវិកាជូនប្រជាពលរដ្ឋទាំងអស់គ្នា ដែលបានកាន់កាប់ដីក្នុងតំបន់វិនិយោគខាងលើ ហើយទន្ទឹមនិងនេះដែរ ខាងក្រុមហ៊ុនក៍បានសហការណ៍ជាមួយអាជ្ងាធរមូលដ្ឋាន បានមកធ្វើស្ថិតិប្រមូលឯកសារ និងលិខិតកាន់កាប់ដីធ្លីរបស់ប្រជាពលរដ្ឋចប់សព្វគ្រប់ គឺថាពេលដែលធ្វើរួចរាល់់ហើយនោះ ក្រុនហ៊ុននិងធ្វើការបែងចែក ថវិការទៅតាមទំហុំដីរបស់ប្រជាពលរដ្ឋកាន់កាប់ដីនោះ។
ប៉ុន្តែផ្ទុយទៅវិញ រហូតមកដល់បច្ចុប្បន្ននេះ អស់រយ:ពេល៩ឆ្នាំទៅហើយដែលប្រជាពលរដ្ឋទាំងអស់គ្នាមិនទាន់បានទទួលថវិកាឬដី ដែលភាគីក្រុមហ៊ុនសន្យាថានិងចែកដីធ្លីជូនពលរដ្ឋឲ្យគ្រប់ចំនួននៅឡើយ។
នៅក្នងការបែងចែកដីធ្លីនេះ ឯកឧត្ដម បណ្ឌិត ម៉ុក ម៉ារ៉េត រដ្ឋមន្រ្តីក្រសួងបរិស្ថាន ជាប្រធានគណ:កម្មាធីការ អន្តរក្រសួងដោះស្រាយដីធ្លីក្នុងតំបន់វិនិយោគអភិវឌ្ឍន៍នៃក្រុមហ៊ុនញូញៀន។នៅក្នុងនេះផងដែរ លោក អន ភារ: អតីត អភិបាលស្រុកបូទុមសាគរ ជាប្រធានបែងចែកដីធ្លីនិងធ្វើផ្ទះជូនប្រជាពលរដ្ឋ ដែលបច្ចុប្បន្នលោក អនភារៈ បានឡើងជាអភិបាលរងខេត្តកោះកុង។
ប្រជាពលរដ្ឋបានរិះគន់យ៉ាងខ្លាំងទៅលើ លោក អន ភារ: និងគណកម្មាធិការអន្តរក្រសួង ថាបានឃុបឃិតគ្នាជាប្រពន្ធ័ បានបែងចែកដីទៅឲ្យលោក អៀង ធារ៉ា ជាអគ្គនាយកក្រុមហ៊ុនអៀងគ្រុប ចំនួន៣៥០ហិតា (បីរយហាសិបហិកតា)។
ដីនេះស្ថិតនៅក្នុងភូមិចំលងគោ ឃុំថ្មស ស្រុកបូទុមសាគរ ខេត្តកោះកុង។
ឥឡូវដីនេះកំពុងធ្វើរបងពទ្ធ័ជុំវិញដី ដោយមានមេភូមិចំលងគោឈ្មោះ ស៊ីម សុឃីម ជាអ្នកមើលការខុសត្រូវលើដីនេះ។
ចំណែកប្រជាពលរដ្ឋ ទាំងពីរឃុំវិញ គឺ១ ឃុំថ្មស ២ឃុំតានូន ដែលសុទ្ធតែជាអ្នកក្រីក្រទន់ខ្សោយបែរជាទទួលរងគ្រោះអត់ដីបង្កបង្កើតផលរាប់រយគ្រួសារ ពួកគាត់មានតែ ក្រដាសបែងចែកដីធ្លី ប៉ុន្តែអត់ដឹងថាដីនៅកន្លែងណា។ប្រជាពលរដ្ឋបញ្ជាក់បន្តថា ក្រដាសបែងចែកដីធ្លីរបស់ពួកគាត់នេះ ខាងក្រុមការងារមានភូមិបាលស្រុក មានមេបរិស្ថានស្រុក និងលោក អៀង ឡៃ លោក អន ភារ: ជាអ្នកទទួលខុសត្រូវលើរឿងដីធ្លីរបស់ប្រជាពលរដ្ឋ។
ប្រជាពលរដ្ឋបន្តថា ក្រុមការងារបែងចែកដីធ្លីអន្តរក្រសួង និងលោក អន ភារ: ជាអ្នកចែកដីឲ្យទៅតែអ្នកមានលុយមានអំណាចខ្សែខ្នងធំៗ ដូចជាបក្សពួក លោក អៀង ធារ៉ា បានដីរាប់រយហិកតា ចំណែកប្រជាពលរដ្ឋបានតែក្រដាស់ចែកដីតែប៉ុណ្ណោះ។
ប្រជាពលរដ្ឋសូមលោកជំទាវ មិថុនា ភូថង អភិបាលខេត្ដកោះកុង ដាក់ក្រុមការងាចុះយ៉ាងបន្ទាន់មកស៊ើបអង្កេត និងដកហូតដីពីលោក អៀង ធារ៉ា ដែលកំពុងតែធ្វើរបងពទ្ធ័ជុំវិញដី។
លោកជំទាវអភិបាលខេត្តត្រូវតែប្រើដាវអាជ្ញាសឹក ដែលសម្ដេចតេជោ ហ៊ុន សែន នាយករដ្ឋមន្ត្រី បានប្រគល់ឲ្យ ត្រូវតែ ហ៊ាន វះកាត់សាច់ស្អុយចេញ ដើម្បីប្រជាជនរាប់រយគ្រួសារដែលអត់មានដីធ្លីនោះមានដីបង្កបង្កើនផល ហើយ លោកជំទាវកុំធ្វើឲ្យសម្ដេចអស់សង្ឃឹម។
សម្ដេចតេជោ ហ៊ុន សែន មានប្រសាសន៍ថារឿងដីធ្លី បើមានបញ្ហាចេញពីខេត្តណាចៅហ្វាយខេត្តនោះទទួលខុសត្រូវ។
សព្វថ្ងៃ សម្ដេចតេជោ ហ៊ុន សែន ខំប្រឹងប្រែងណាស់ពីរឿងដីធ្លី ដោះស្រាយជូនប្រជាជន តែខាងមន្រ្តីថ្នាក់ក្រោម បែរេជជាមកធ្វើបាបប្រជាជនក្រីក្រទន់ខ្សោយទៅវិញ លេបជញ្ជក់ញើសឈាមពលរដ្ឋមិនចេះគ្រប់គ្រាន់។
សូម សម្ដេចតេជោ មេត្តាយកមន្រ្តីដែលពាក់ពន្ធ័រឿងដីធ្លី ទៅដុសខាត់ចេញម្ដង ដូចសម្ដេចមានប្រសាសន៍ចំពោះមុខមន្រ្តី អ្នកមុខអ្នកការ និងប្រជាជនជាច្រើនលាននាក់ថា ត្រូវតែវះកាត់ចេញនូវមន្ត្រីដែលធ្វើបាបរាស្រ្ត៕ដោយ យួនឈីវ
