ភ្នំពេញ ៖ នៅព្រឹកថ្ងៃទី៣០ ខែឧសភា ឆ្នាំ២០១៨ សមត្ថកិច្ចនគរបាល បានបញ្ជូនខ្លួនថៅកែស្រីចិត្តតិរិច្ឆានឈ្មោះ ម៉េង រ័ត្នពិសី (ហៅ សុភា) អាយុ៣៣ឆ្នាំ ទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់។
ថៅកែស្រីចិត្តតិរិច្ឆានរូបនេះ ត្រូវបានសមត្ថកិច្ចចាប់ខ្លួនបន្ទាប់ពីមានពាក្យបណ្ដឹងពីកុមារីរងគ្រោះ ដែលត្រូវបានថៅកែស្រី ធ្វើទារុណកម្មដូចសត្វធាតុអស់រយៈពេល៤ឆ្នាំ រហូតមានស្លាកស្នាមរបួសពេញខ្លួន ហើយក៏កំពុងសម្រាកព្យាបាលនៅមន្ទីរពេទ្យផងដែរ ។
សូមជំរាបថា នគរបាលបានចុះទៅអន្តរាគមន៍រំដោះក្មេងស្រីរងគ្រោះ កាលពីវេលាម៉ោង៥ល្ងាចថ្ងៃទី២៧ ខែឧសភា ឆ្នាំ២០១៨ នៅផ្ទះអ្នកលក់សម្លៀកបំពាក់មួយកន្លែងលេខ១៧អា ខាងត្បូងជាប់ផ្សារបុរីសន្តិភាព២ ភូមិតំណាក់ត្រយឹង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ៕
