រាជធានីភ្នំពេញ ៖ ប្រភពពីមន្ត្រីជាន់ខ្ពស់ គ.ជ.ប បានឲ្យដឹងថា ការចាប់លេខរៀងគណបក្សនយោបាយទាំង២០ដែលនឹងត្រូវចូលរួមការបោះឆ្នោត ប្រហែលជានៅសប្តាហ៍ក្រោយ ហើយការចាប់លេខរៀងនោះ ស្ថិតក្រោមព្រះរាជអធិបតីភាពសម្ដេចព្រះសង្ឃរាជទាំងពីរគណៈ គឺសម្ដេចព្រះសង្ឃរាជ ទេព វង្ស សម្ដេចសង្ឃគណៈមហានិកាយ និងសម្ដេចព្រះសង្ឃរាជ ប៊ូ គ្រី សម្ដេចសង្ឃគណៈធម្មយុត្តនិកាយ ។
អសនៈសភាបានកើនដល់១២៥ សម្រាប់អាណត្តិទី៦នេះ ខណៈដែលអាណត្តិទី៥ មានតែ១២៣អសនៈប៉ុណ្ណោះ ។ ការកើនឡើងនូវចំនួនអសនៈនេះ គឺអសនៈសភាសម្រាប់ខេត្តព្រះសីហនុ កាលពីអាណត្តិមុនមានតែ១អសនៈប៉ុណ្ណោះ ប៉ុន្តែអាណត្តិទី៦បានកើនដល់៣អសនៈ ។
ចំនួនអសនៈនៅតាមមណ្ឌលនីមួយៗ ដូចខាងក្រោម ៖
• មណ្ឌលរាជធានីភ្នំពេញ មាន១២អាសនៈ
• មណ្ឌលខេត្តបន្ទាយមានជ័យ មាន ៦អាសនៈ
• មណ្ឌលខេត្តបាត់ដំបង មាន ៨អាសនៈ
• មណ្ឌលខេត្តកំពង់ចាម មាន ១០អាសនៈ
• មណ្ឌលខេត្តកំពង់ឆ្នាំង មាន ៤អាសនៈ
• មណ្ឌលខេត្តកំពង់ស្ពឺ មាន ៦អាសនៈ
• មណ្ឌលខេត្តកំពង់ធំ មាន ៦អាសនៈ
• មណ្ឌលខេត្តកំពត មាន ៦អាសនៈ
• មណ្ឌលខេត្តកណ្តាល មាន ១១អាសនៈ
• មណ្ឌលខេត្តកោះកុង មាន ១អាសនៈ
• មណ្ឌលខេត្តក្រចេះ មាន ៣អាសនៈ
• មណ្ឌលខេត្តមណ្ឌលគិរី មាន ១អាសនៈ
• មណ្ឌលខេត្តព្រះវិហារ មាន ១អាសនៈ
• មណ្ឌលខេត្តព្រៃវែង មាន ១១អាសនៈ
• មណ្ឌលខេត្តពោធិ៍សាត់ មាន ៤អាសនៈ
• មណ្ឌលខេត្តរតនគិរី មាន ១អាសនៈ
• មណ្ឌលខេត្តសៀមរាប មាន ៦អាសនៈ
• មណ្ឌលខេត្តព្រះសីហនុ មាន ៣អាសនៈ
• មណ្ឌលខេត្តស្ទឹងត្រែង មាន ១អាសនៈ
• មណ្ឌលខេត្តស្វាយរៀង មាន ៥អាសនៈ
• មណ្ឌលខេត្តតាកែវ មាន ៨អាសនៈ
• មណ្ឌលខេត្តកែប មាន ១អាសនៈ
• មណ្ឌលខេត្តប៉ៃលិន មាន ១អាសនៈ
• មណ្ឌលខេត្តឧត្តរមានជ័យ មាន ១អាសនៈ
• និងមណ្ឌលខេត្តត្បូងឃ្មុំ មាន ៨អាសនៈ៕
