ខេត្តព្រៃវែង ៖ កូនប្រុសរបស់ស្នងការរងនគរបាលខេត្តព្រៃវែង ត្រូវបានតុលាការខេត្តព្រៃវែង សម្រេចឃុំខ្លួនបន្ទាប់ពីត្រូវបានចាប់ខ្លួន ក្រោមការចោទប្រកាន់ថា បានគំរាមបាញ់សម្លាប់និងចាប់បង្ខាំងនារីម្នាក់រយៈពេល ៤ខែ ដើម្បីរំលោភសេពសន្ថវៈ និងលក់បន្តទៅឲ្យអ្នកផ្សេងទៀត ។ ជនសង្ស័យឈ្មោះ ឌឹម មករា ដែលត្រូវជាកូនប្រុសស្នងការរងនគរបាលខេត្តព្រៃវែង លោក ឌឹម យ៉ារ៉ុម ខណៈដែលជនសង្ស័យរូបនោះជា នាយករងផ្នែកអគ្គីភ័យរបស់នគរបាលខេត្តព្រៃវែង ។
សូមរំលឹកថា ជនសង្ស័យមន្ត្រីនគរបាលរូបនេះ ត្រូវបានសមត្ថកិច្ចចាប់ខ្លួនកាលពីថ្ងៃទី១០ ខែឧសភា បន្ទាប់ពីនារីម្នាក់បានដាក់ពាក្យប្ដឹងទៅសមត្ថកិច្ច ដោយបានចោទកូនប្រុសស្នងការរងរូបនេះថា បានបង្ខាំងរូបរាងកាយ និងចាប់រំលោភនាងអស់រយៈពេល៤ខែមកហើយ បន្ទាប់មកថែមទាំងលក់នាងទៅឲ្យប្រុសផ្សេងថែមទៀត និងគំរាមបាញ់សម្លាប់នាងទៀតផង ៕
