ភ្នំពេញ ៖ នៅថ្ងៃទី១៤ ខែឧសភា ឆ្នាំ២០១៨ គឺជាថ្ងៃចុងក្រោយនៃការចុះបញ្ជី គណបក្សនយោបាយឈរឈ្មោះបោះឆ្នោត និងចុះបញ្ជីបេក្ខជនសម្រាប់ការបោះឆ្នោតជ្រើសតាំងតំណាងរាស្ត្រអាណត្តិទី៦ ខណៈដែល គ.ជ.ប នឹងបិទបញ្ចប់ការចុះបញ្ជីនេះ នៅល្ងាចថ្ងៃទី១៤ ខែឧសភា ឆ្នាំ២០១៨នេះ ។ ប៉ុន្តែអ្វីជាការកត់សម្គាល់នោះ គ.ជ.ប ទើបតែទទួលស្គាល់ជាផ្លូវការ តែគណបក្ស៤ប៉ុណ្ណោះគឺរួមមានគណបក្សប្រជាជនកម្ពុជា គណបក្សយុវជនកម្ពុជា គណបក្សសញ្ជាតិកម្ពុជា និងគណបក្សរួបរួមជាតិ។
យ៉ាងណាក៏ដោយ គ.ជ.ប អះអាងថា មកដល់ពេលនេះក៏មានគណបក្សចំនួន៦ទៀតផងដែរ ដែលបានចុះបញ្ជីឈ្មោះនិងបញ្ជីបេក្ខជនរួចរាល់ហើយ នៅ គ.ជ.ប ក្នុងនោះរួមមាន ៖ គណបក្សហ្វ៊ុនស៊ិនប៉ិច គណបក្សខ្មែរតែមួយ គណបក្សប្រជាធិបតេយ្យមូលដ្ឋាន គណបក្សសំបុកឃ្មុំសង្គមប្រជាធិបតេយ្យ គណបក្សពន្លឺថ្មី និងគណបក្សសម្ព័ន្ធប្រជាធិបតេយ្យ ៕
