ខេត្តកោះកុង ៖ ហេតុការណ៏ភ្ញាក់ផ្អើលមួយបានកើតឡើងកាលពីវេលាម៉ោង៧.២០នាទីយប់ ថ្ងៃទី១២ ខែឧសភា ឆ្នាំ២ ០១៨ នៅចំនុចភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង ខណះពេលដែលជនរងគ្រោះនិងមិត្ត ភ័ក្រ២ទៅ៣នាក់បាននាំគ្នាដើរទៅទិញនំនៅក្បែរផ្ទះមុខសញ្ញាជនសង្ស័យ ហើយក្មេងប្រុសម្នាក់ត្រូវបានគេចាក់សម្លាប់ អោយបាត់បង់ជីវិត ក្រោយបញ្ជូនមកដល់មន្ទីរពេទ្យបង្អែកខេត្តកោះកុង។
បើតាមប្រភពពីសមត្ថកិច្ចបានអោយដឹងថា : ជនរងគ្រោះមានឈ្មោះ ចាន់ ហាក់ ភេទប្រុស អាយុ១២ឆ្នាំ មានទីលំនៅភូមិ២ សង្កាត់ដងទង់ ក្រុងខេមរភូមិន្ទ ខេត្តកោះកុង ស្លាប់ដោយឃាតកម្មបង្កឡើងដោយ ជនសង្ស័យ១ក្រុមមានគ្នា៦នាក់ បានធ្វើសកម្មភាពដោយយកអាវុធចុងស្រួចចាក់ទៅលើជនរងគ្រោះ ចំនួន២កន្លែង ចំដើមទ្រូងខាងឆ្វេងនិងមួយកន្លែងទៀតចំក្បែក្រលានខាងឆ្វេង ។ ជនដៃដល់មានឈ្មោះ នួន សុខណា ភេទប្រុស អាយុ១៦ឆ្នាំ មានទីលំនៅភូមិ៤ សង្កាត់ដងទង់ ក្រុងខេមរ:ភូមិន្ទ ចំណែកបក្ខពួក៥នាក់ទៀតពុំទាន់ស្គាល់អត្តសញ្ញាណ។
ប្រភពដដែលបានបន្តថា ចំពោះមូលហេតុដែលបង្ករអោយមានការចាក់សម្លាប់គ្នា រហូតឈានដល់បាត់បង់ជីវិតនេះ គឺនៅពុំទាន់មាននណាម្នាក់បានដឹងពីមូលហេតុពិតប្រាកដនៅឡើយទេ ចំណែកឯជនបង្កក៏បានរត់គេចខ្លួនបាត់ភ្លាមៗបន្ទាប់ពីធ្វើសកម្មភាពរួច ។
មកទល់និងពេលនេះសមត្ថកិច្ចជំនាញកំពុងស្រាវជ្រាវតាមចាប់ខ្លួនមុខសញ្ញាជនដៃដល់យកមកផ្តន្ទាទោសទៅតាមផ្លូវច្បាប់ ។
បន្ទាប់ពីសមត្ថកិច្ចជំនាញនិងក្រុមគ្រូពេទ្យធ្វើកុសល្យវិច្ច័យនៅព្រឹកថ្ងៃទី១៣ ខែឧសភា រួចបានប្រគល់សពជនរងគ្រោះជូនអោយសាច់ញាតិយកទៅធ្វើបុណ្យតាមប្រពៃណី ៕
