រាជធានីភ្នំពេញ ៖ នៅរសៀលថ្ងៃទី១១ ខែឧសភា ឆ្នាំ២០១៨ នេះ សាលាដំបូងរាជធានីភ្នំពេញបានបន្តការសាកសួរជនសង្ស័យលោក ឡាយ វណ្ណៈ អតីតអភិបាលខេត្តតាកែវ ករណីសម្លាប់ស្ត្រីកំណាន់ឈ្មោះ ចេវ សុវឌ្ឍនា ។
លោក ឡាយ វណ្ណៈ អតីតអភិបាលខេត្តតាកែវ និងបក្ខពួក៣នាក់ទៀត ត្រូវបានតុលាការសម្រេចឃុំខ្លួនដាក់ពន្ធនាគារបណ្តោះអាសន្ន កាលពីថ្ងៃទី៣ ខែមេសា ឆ្នាំ២០១៨កន្លងទៅ ពាក់ព័ន្ធករណីឃាតកម្ម ។
សូមរំលឹកថា ជនសង្ស័យត្រូវចោទទាំង៤នាក់ដែលត្រូវឃុំខ្លួនរួមមាន៖ ទី១ លោក ឡាយ វណ្ណៈ អតីតអភិបាលខេត្តតាកែវ, ទី២ លោក ឡាយ ណារិទ្ធ ស្នងការរងនគរបាលខេត្តតាកែវ ត្រូវជាបងប្រុសលោក ឡាយ វណ្ណៈ, ទី៣ ឈ្មោះ ម៉េន សាម៉ៃ អ្នកបើករថយន្តឲ្យលោក ឡាយ វណ្ណៈ និងទី៤ ឈ្មោះ ជឹម វុធ ហៅ ថូត ជាអ្នកបំរើនៅផ្ទះអ្នកស្រី ចេវ សុវឌ្ឍនា ៕
