កោះកុង ៖ លោក ពៅ ច័ន្ធថន ប្រធានការិយាលយ័ភូមិបាលស្រុកបូទុមសាគរ ខេត្តកោះកុង បានរំលោភយកដីការិយាល័យភូមិបាល សង់ផ្ទះត្រចៀកកាំ យកធ្វើជាកម្មសិទ្ធខ្លួនឯង ដោយបានភ្លើងខៀវពីលោក អភិបាលស្រុក ជាពិសេសនោះបានភ្លើងខៀវពីលោក រស់ វីរាវុទ្ធ ប្រធានមន្ទីរសុរិយោដីខេត្តកោះកុង ហើយបានត្រូវដងត្រូវផ្លែគ្នាអស់ហើយ ទើបហ៊ានសង់បានសម្រេច ដោយសារលោក ពៅ ច័ន្ទថន នេះចេះដាក់ថ្នាំទិព្វទៅឲ្យលោកអភិបាលស្រុក និងមេរបស់គេ លោក រស់ វីរាវុទ្ធ ទើបស្ងាត់ឈឹងមិនហ៊ានក្អកទេ ពីព្រោះខ្លាចខាតលាភសក្ការ:។
តាមការលើកឡើងពីមន្រ្តីក្នុងស្រុកនិងប្រជាពលរដ្ឋបាននិយាយតៗគ្នាថាកន្លងមកកាសែតនិងទូរទស្សន៏បានចុះផ្សាយជាញឹកញាប់ដែរ តែ នៅតែលោក ពៅ ច័ន្ទថន សាងសង់បានដដែល មិនដែលឃើញថ្នាក់ស្រុក ថ្នាក់ខេត្ត ចុះមកពិនិត្យមើលទេ រឿងហ្នឹងកន្លែងខ្លះកាសែតចុះផ្សាយតែម្ដងទេ ឃើញថ្នាក់ខេត្តចុះមកហាមឃាត់ហើយរឿងយកដីរដ្ឋធ្វើជាកម្មសិទ្ធខ្លូនឯងនោះ។មន្រ្តីនិងពលរដ្ឋបន្តថា រឿងនេះប្រហែលលោកជំទាវអភិបាលខេត្តបើកភ្លើងខៀវ ឬបានលាភពីលោក ពៅ ច័ន្ទថន ហើយរឿងហ្នឹង ទើបគេនៅសាងសង់បានយ៉ាងរលូន។
តាមសម្ដីអភិបាលរងស្រុកម្នាក់ បាននិយាយប្រាប់អ្នកកាសែតថា លោក ពៅ ច័ន្ទថន សង់ផ្ទះត្រចៀកកាំលើដីរបស់រដ្ឋមែន និងដីសាលាស្រុកចាស់ ហើយជាដីឲ្យធ្វើការិយាល័យភូមិបាលស្រុក មិនគួណាឲ្យលោក ពៅ ច៏ន្ទថន សង់ផ្ទះត្រចៀកកាំទេ អភិបាលរងស្រុករូបនោះបន្តថា គាត់ដឹងរឿងនេះដែរ តែមិនហ៊ានពីព្រោះលោក ពៅ ច័ន្ទថន ត្រូវគ្នានិងលោកអភិបាលស្រុកចាស់ លោក អន ភារ: និងលោក ទូ សាវុទ្ធ អភិបាលស្រុកថ្មី។
តាមប្រភពដដែលនិងម្ចាស់ផ្ទះដែលធ្វើផ្ទះត្រចៀកកាំបាននិយាយប្រាប់អ្នកកាសែតថា លោក ពៅ ច័ន្ទថន នេះមានលុយដោយសារវាសវែងដីធ្លី យកលុយថ្លៃទឹកតែ យកលុយកប់ពពក ជាពិសេសនោះយកលុយថ្លៃ សាងសង់សំណង់ធ្វើផ្ទះត្រចៀកកាំ ពីមុនមកយកលុយសំណង់ផ្ទះត្រចៀកកាំ ត្រឹមតែ១៥០០ដុល្លាទៅ២០០០ដុល្លាទេ ឥឡូវលោក ពៅ ច័ន្ទថន យកលុយសំណង់ធ្វើផ្ទះត្រចៀកកាំទៅដល់៥០០០ដុល្លាឯនោះ ពីព្រោះលោក ពៅ ច័ន្ទថន យកលេសថា មិនទាន់មានច្បាប់គ្រប់គ្រាន់ធ្វើផ្ទះត្រចៀកកាំទេ បើធ្វើដាក់ថាផ្ទះល្វែងបាន តែម្ចាស់ធ្វើផ្ទះត្រចៀកកាំទាំងអស់នេះស្ដាប់លោក ពៅ ច័ន្ធថន និយាយបោកបញ្ឆោត ឆរពាក្យធ្វើឲ្យពួកគាត់ភ័យខ្លាច ទើបឲ្យលោក ពៅ ច័ន្ទថន នេះយកលុយស្រួលទៅ ហើយយកលុយបឹទមាត់ថ្នាក់ស្រុកថ្នាក់ខេត្តខ្លះទៅទើបស្ងាត់។
លោក ពៅ ច័ន្ទថន បានលុយពីអំពើរពុករលួយ យកលុយមកធ្វើផ្ទះត្រចៀកកាំខ្លួនឯង។តាមសម្ដី ម្ចាស់ផ្ទះដែលធ្លាប់ធ្វើផ្ទះត្រចៀកកាំបាននិយាយប្រាប់ថា ផ្ទះត្រចៀកកាំ១ខ្នង ធ្វើអស់លុយ ១៨ម៉ីនដុល្លាទៅ២០ម៉ីនដុល្លាក្នុងផ្ទះ១ខ្នង។
លោក ពៅ ច័ន្ទថន ត្រូវប៉ាន់បានលុយយកពីសំណង់ផ្ទះត្រចៀកកាំ ក្នុង១ខ្នងផ្ទះចំណេញ៣០០០ដុល្លា ហើយនៅលុយថ្លៃវាស់វែងទៀតស៊ីលុយពីរតង់។ លោក ពៅ ច័ន្ទថន នេះចេះល្បិចមកពី គ្រូ លោក អន ភារ: ជាអភិបាលស្រុកចាស់ ឥឡូវលោកគ្រូឡើងកូដទៅជាអភិបាលរងខេត្តកោះកុង។
ចំណែកលោកអភិបាលស្រុក ទូ សាវុទ្ធ អ្នកសារព័ត៍មានតេទូរស័ព្ទចូល តែលោកមិនលើក។ប្រធានមន្ទីរសុរិយោដីខេត្តកោះកុងលោក រស់ វីរាវុទ្ធ អ្នកសារព័ត៍មានតេចូលតែជាប់រវល់។ចំណែកលោកជំទាវ អភិបាលខេត្តកោះកុង មិនអាចសុំការបំភ្លឺបានទេ។
សូមឲ្យឯកឧត្តម ជាសុផារា រដ្ឋមន្ត្រីក្រសួងដែនដីនគរូបនីយកម្មនិងសំណង់ ជួយវះកាត់ដុសក្អែលលោក ពៅ ច័ន្ទថន ដែលរំលោភយកដីរដ្ឋធ្វើជាកម្មសិទ្វឯកជនផង។កន្លងមក លោក ឱម យិនទៀង ប្រធានអង្គភាពប្រឆាំងអំពើរពុករលួយ បានប្រជុំអ្នកសារព័ត៍មាននៅក្នុងប្រទេសកម្ពុជា ទាំងអស់ លោក ឱម យិនទៀង បាននិយាយលើកឡើងពីប្រសាសន៍សម្ដេច ហ៊ុនសែន ថាមន្រ្តីទាំងអស់ត្រូវតែ វះកាត់ចេញ មិនទុកឲ្យមន្រ្តីណាដែលបំពានច្បាប់ ហើយមិនបំរើប្រជាពលរដ្ឋឲ្យបានល្អកាលពីមុន យកទៅដុះក្អែលឆ្លុះកញ្ចក់ ឥឡូវយកទៅវះកាត់ចេញវិញម្ដង៕ដោយ យួន ឈីវ
