ភ្នំពេញ ៖យោងតាមគេហទំព័ររបស់សម្តេចតេជោបានសសេរថា ៖ ថ្ងៃទី១៦ មេសា ២០១៨ នេះជាខួបលើកទី៤៣ឆ្នាំនៃការធ្លាក់ខ្លួនពិការភ្នែករបស់ខ្ញុំ (១៦ មេសា ១៩៧៥- ១៦ មេសា ២០១៨) ខ្ញុំនៅចាំបានថា ម៉ោង៦និង១៥នាទីព្រឹក ថ្ងៃ១៦ មេសា ១៩៧៥ មានការប្រយុទ្ឋស្លាប់រស់នៅសមរភូមិប៉មទន្លេបិទ ដែលពេលនេះក្បែគល់ស្ពានគីស្យូណា។ ពេលនោះហើយដែលខ្ញុំត្រូវរបួសជាលើកទី៥ នៃការប្រយុទ្ឋ១០៥លើកក្នុងរយះពេល៥ឆ្នាំ នៃការប្រយុទ្ឋជាមួយពួកបរទេសឈ្លានពាននិងបរិវារ។
យុវជនជំនាន់មុនបានក្លាយជាចំណាប់ខ្មាំងនៃសង្រ្គាម ដែលគ្មានសិទ្ឋិជ្រើសរើសដូចយុវជនសម័យសន្តិភាពនេះឡើយ។ សូមរួមគ្នារក្សាសន្តិភាពដែលជាមូលដ្ឋានសម្រាប់ការអភិវឌ្ឍ។ សូមទប់ស្កាត់កុំឲ្យសង្រ្គាមកើតឡើងវិញទោះត្រូវបង់ថ្លៃប៉ុណ្ណាក៏ដោយ៕
