ខេត្តស្ទឹងត្រែង ៖ ប្រជាពលរដ្ឋស្រុកថាឡាបរិវ៉ាត់ ខេត្តស្ទឹងត្រែង បានប្រារព្វពិធីបុណ្យប្រាសាទព្រះគោ ដោយ មានការវាយខែល ទាញព្រត័ជាល្បែងប្រជាប្រីយ មានរយៈពេលបីថ្ងៃជារៀងរាល់ឆ្នាំ នាចុងខែមីនា ពោលគឺជិតចូលឆ្នាំប្រពៃណីខ្មែរ គឺចាប់ពីថ្ងៃទី២៣.២៤.២៥ ខែមីនា ដើម្បីរំលឹកដល់គុណបុព្វបុរស ដែលហ៊ានបូជាសាច់ស្រស់ ឈាមស្រស់ មិនខ្លាចពលីជីវិត ដើម្បីទឹកដីដែលបុព្វបុរសបន្សល់ទុកឲ្យ តាំងពីយូរលុងណាស់មកហើយ ដែលមិនអាចបំភ្លេចបាន ស្ថិតនៅចំណុចទួលប្រាសាទព្រះគោ ក្នុងភូមិថាឡា ឃុំថាឡា ស្រុកថាឡាបរិវ៉ាត់ ខេត្តស្ទឹងត្រែង ដោយមានឯកឧត្តម ឈៀង ឡាក់ អភិបាលរងខេត្ត នឹងលោក សន សារឿន អភិបាលនៃគណៈអិបាលស្រុកថាឡាបរីវ៉ាត់ នឹងមន្ត្រីអ្នកមុខអ្នកការនឹងកងកម្លាំងប្រដាប់អាវុធទាំងបីប្រភេទ ជុំវិញស្រុកព្រមទាំងប្រជាពលរដ្ឋជាច្រើនបានអញ្ចើញចូលរួមជាច្រើនកុះករ។
ឯកឧត្តមអភិបាលរងខេត្ត ក៍ដូចអភិបាលស្រុកថាឡាបរីវ៉ាត់ បានអានសន្ទរកថាស្វាគមន៏ នឹងពាំនាំនូវការនឹករលឹក របស់សម្តេចទាំងពីរ ដែលតែងតែនឹករលឹកដល់ប្រជាពលរដ្ឋដែលជាកូនចៅរបស់សម្តេចជានិច្ច។
ពិធីបុណ្យប្រាសាទព្រះគោ នឹងវាយខែលនេះគឺមានជាយូរយាណាស់មកហើយ ហើយគេតែងតែប្រារព្វធ្វើជារៀងរាល់ឆ្នាំ មិនដែលខាននោះទេ ហើយពិធីក្រុងពាលីនេះមានរៀបចំអាសនៈ៧ជាន់ មាននំនែកចេកអំពៅ អុជទានធូបជាដើម រួចព្រះសង្ឃសូត្រមន្តចំរើនព្រះបរឹទ្ធ ប្រោសព្រុំដល់មន្ត្រីរាជការនឹងប្រជាប្រពលរដ្ឋទូទាំងប្រទេស សុំនូវសេចក្តីសុខ នឹងឧទ្ទិសកុសលរំលឹកគុណដល់បុព្វបុរសខ្មែរយើង រួចមានប្រគុំភ្លេងពិណពាណ្យ ថ្វាយជូនដល់ព្រះគោដែលមានបុណ្យបារមី ដែលប្រជាពលរដ្ឋតែងតែមកបន់ស្រន់សុំសេចក្តីសុខ ពីប្រាសាទព្រះគោមានបារមីជាវត្ថុសក្តិសិទ្ធ ដែលពួកគាត់ជឿនៅការបន់ស្រន់តៗគ្នាជាយូយារមកហើយ ។
ពិធីនេះមិនអាចបាត់បង់បានទេ ហើយមានការចូលរួមពីរខេត្ត គឺខេត្តព្រះវិហារ នឹងខេត្តស្ទឹងត្រែង មិនអាចបាត់បង់បានទេ ហើយមានតែនូវភូមិភាគឥសាន្តយើងទេ សូមបងប្អូនប្រជាពលរដ្ឋទូទាំងប្រទេស មេត្តាចូលរួមសប្បាយក្នុងពិធីនេះ នឹងជួយគាំទ្រវប្បធម៍មួយនេះ កុំឲ្យបាត់បង់ នេះជាប្រវត្តិតស៊ូរបស់ខ្មែយើង ទើបមានក្តីសុខសាន្តត្រានមកដល់ពេលនេះ ហើយក៍មានតែសម្តេចតេជោហ៊ុន សែន នាយករដ្ឋមន្ត្រីនៃយើងផងដែរ មានសម្តេច ទើបមានសន្តិភាព មានសម្តេចទើបមានការអភិវឌ្ឈន៍ មានសម្តេចទើបមានសិទ្ធសេរីភាព៕
