ខេត្តក្រចេះ៖ ព្រឹកថ្ងៃទី ១៧ ខែមិនា ឆ្នាំ ២០១៨ នៅទីបញ្ជាការដ្ឋានកងរាជអាវុធហត្ថស្រុកស្នួល ខេត្តក្រចេះ លោកឧកញ៉ា គង់ គ្រឹង និងលោកជំទាវ ម៉ាន សារ៉ាស បានប្រគល់ជូនជាផ្លូវការ រថយន្តសារ៉ែនម៉ាកកាម៉ារីឆ្លាមមួយគ្រឿង សម្រាប់ប្រើប្រាស់ក្នុងអង្គភាពកងរាជអាវុធហត្ថស្រុកស្នួល ខេត្តក្រចេះ ដើម្បីបំរើការងារសន្តិសុខក្នុងមូលដ្ឋាន ។
លោកឧកញ៉ា គង់ ក្រឹង បានថ្លែងថា ការប្រគល់រថយន្តសារ៉ែនជូនដល់កងរាជអាចវុធហត្ថស្រុកស្នួលនេះ គឺក្នុងគោលបំណងចូលរួមសហការឧបត្ថម្ភគាំទ្រ ឲ្យកងរាជអាវុធហត្ថបំរើផលប្រយោជន៍របស់សង្គម ដើម្បីជាមធ្យោយសម្រាប់កងកម្លាំងចុះប្រតិបត្តិការងារ បង្រ្កាបបទល្មើសផ្សេងៗ ដូចជាបញ្ហាគ្រឿងញៀន ចោរលួចចោប្លន់ និងការងារសន្តិសុខជូនដល់ប្រជាពលរដ្ឋ។
ក្នុងឧិកាសនេះផងដែរ លោកឧកញ៉ា គង់ ក្រឹង បានកោតសរសើរកងកម្លាំងរាជអាវុធហត្ថស្រុកស្នួល ដែលបានខិតខំប្រឹងប្រែងយកចិត្តទុកដាក់ ការពារសន្តិសុខសុវត្តិភាពជូនប្រជាពលរដ្ឋ ព្រមទាំងបានធ្វើឲ្យបញ្ហា ចោរលួច ចោរប្លន់ និងបទល្មើសគ្រឿងញៀន មានការថយចុះគួអោយកត់សម្គាល់ និងសូមផ្តាំផ្ញើរដល់កងកម្លាំង និងប្រជាពលរដ្ឋទាំងអស់ ថែរក្សានូវសុខភាពអនាម័យនិងពន្លត់ភ្លើងធូបទាន ចង្រ្កានដាំបាយ មុនចាកចេញពីផ្ទះ ដើម្បីបញ្ជៀសនូវគ្រោះអគ្គីភ័យកើតឡើងជាយថាហេតុ ។
លោកមេបញ្ជាការកងរាជអាវុធហត្ថស្រុកស្នួល បានមានប្រសាសន៍ថ្លែងអំណរគុណ នូវទឹកចិត្តល្អប្រពៃរបស់លោកឧកញ៉ា គង់ ក្រឹង និងលោកជំទាវ ដែលបានចូលរួមក្នុងវិស័យការងារសន្តិសុខជាតិ ដើម្បីសុវត្ថិភាពរបស់ប្រជាពលរដ្ឋ ដែលកន្លងមកនេះ លោកឧញ៉ា គង់ ក្រឹង តែងតែជួយកសាងហេដ្ឋារចនាសម្ព័ន្ឋ ដូចជាផ្លូវថ្នល់ ស្ពាន សាលារៀន និងសមិទ្ធផលផ្សេងៗសម្រាប់បំរើសេចក្តីត្រូវការរបស់ប្រជាពលរដ្ឋ ជាក់ស្តែងក្នុងថ្ងៃនេះ កងរាជអាវុធហត្ថស្រុកស្នូល បានទទួលរថយន្តសារ៉ែនមួយគ្រឿងពីលោកឧកញ៉ា និងសូមសន្យាថានិងប្រើប្រាស់រថយន្តសារ៉ែននេះ ឲ្យមានប្រយោជន៍ក្នុងសង្គម បំរើប្រជាពលរដ្ឋ។
សូមរំលឹកថានាពេលកន្លងមកនេះ លោកឧញ៉ា បានជួយសាងសង់ផ្លូវលំ និងកសាងសមិទ្ធផលជាច្រើន សម្រាប់បងប្អូនប្រជាពលរដ្ឋប្រើប្រាស់ជាប្រយោជន៏សាធារណៈ៕
