កណ្តាល ៖ ដោយមានការយកចិត្តទុកដាក់ពីសុខទុក្ខរបស់ពលរដ្ឋ ក៏ដូចជារក្សាបាននូវភូមិឃុំមានសុវត្ថិភាពទាំង៩ចំណុចនោះ ឯកឧត្តម អ៊ាវ ចំរើន ស្នងការនគរបាលខេត្តកណ្តាល ព្រមទាំងកំលាំងនគរបាលខេត្ត សហការជាមួយកំលាំងមូលដ្ឋាន បានក្របួចក្រុមចោរប្លន់ក្មេងស្ទាវ សរុបមានចំនួន៨នាក់ ដែលជាមុខសញ្ញាប្លន់យ៉ាងសកម្ម ជាហេតុធ្វើអោយពលរដ្ឋក្នុងមូលដ្ឋាន រស់នៅក្នុងការភ័យភិត ។
ហើយដោយមានការសហការល្អពីពលរដ្ឋល្អ បានរាយការណ៏ជូនសមត្ថកិច្ច ក្រោយពីទទួលបានព័ត៍មានភ្លាម ឯកឧត្តម បានបញ្ជាកំលាំងគ្រប់គោលដៅត្រៀម ហើយក្រោយមកកំលាំងបានចាប់ខ្លួនក្រុមចោរបានចំនួន៨នាក់។
នេះជាការយកចិត្តទុកដាក់ខ្ពស់របស់ ឯកឧត្តម ស្នងការ និងកំលាំងនគរបាលខេត្តកណ្តាលហើយក៏ជាមោទនភាពខ្ពស់ផងដែរ ដែលមានស្នងការល្អ យកចិត្តទុកដាក់ពីសុខទុក្ខរបស់ពលរដ្ឋខ្លួន មិនបានខ្វល់ពីសុខភាព និងសុខទុក្ខរបស់ខ្លួន យកសេចក្តីសុខរបស់ពលរដ្ឋជាធំ៕
