ភ្នំពេញ ៖ តាមប្រភពព័តមានឲ្យដឹងថា តាមរយៈមេធាវីលោក ឈី សម្បត្តិ ជនរងគ្រោះលោក ស៊ុយ សារ៉េត បានដាក់ពាក្យប្តឹងទៅស្នងការដ្ឋាននគរបាលរាជធានីភ្នំពេញហើយ ដោយប្តឹងជនពាក់ព័ន្ធទាំងអស់ដែលប្រព្រឹត្តអំពើហិង្សាវាយដំប៉ុនប៉ងធ្វើឃាតលោក ក្នុងហេតុការណ៍គ្រោះថ្នាក់ចរាចរណ៍មួយ កាលពីរសៀលថ្ងៃទី១១ ខែមិនា ឆ្នាំ២០១៨ ។
យោងតាមពាក្យបណ្តឹងនោះ លោក ស៊ុយ សារ៉េត ស្នើសមត្ថកិច្ចស្វែងរកជនពាក់ព័ន្ធទាំងអស់ និងទាមទារសំណងជំងឺចិត្តដល់ទៅមួយពាន់ពីររយលានរៀល ខណៈពេលនេះរូបលោកកំពុងសង្គ្រោះបន្ទាន់នៅក្នុងមន្ទីរពេទ្យមួយនៅប្រទេសវៀតណាម ៕
