ខេត្តព្រះវិហារ ៖ ភ្លើងឆេះព្រៃរាលឆេះផ្ទះប្រជាពលរដ្ឋ1ខ្នងនៅស្រុកជាំក្សាន្ត ខេត្តព្រះវិហ៊ារដែលមានទំហំទទឹង8ម៉ែត បណ្តោយ20ម៉ែត សង់អំពីឈើប្រក់ស្បូវ រួមនឹងខ្ចុះ 2ម៉ែត 2ម៉ែត ចំនួន5ខ្នងដែលសង់អំពីឈើប្រក់ស្បូវដែរនោះ ក៍ត្រូវបានអគ្គឺភ័យលេបត្របាក់ទាំងស្រុងផងដែរ។
លោក ជា គឹមសេង អភិបាលស្រុកជាំក្សាន្តបានអោយដឹងថា ហេតុដែលនឹងបង្ករអោយមានករណីគ្រោះអគ្គីភ័យកើតឡើងនោះ គឺបង្កឡើងដោយសារភ្លើងឆេះព្រៃហើយត្រូវខ្យល់បក់ប៉ើងរងើកភ្លើងហើរមកប៉ះនិងដំបូលប្រក់ស្បូវផងនោះ ក៍បានបង្កអោយមានអគ្គីភ័យកើតឡើងនោះ។
លោកបានបញ្ជាក់ផងដែរថា ហេតុការណ៍នេះបានកើតឡើងកាលពីវេលាម៉ោងប្រមាណ2រសៀល ថ្ងៃទី26/2/2018 នៅចំនុចភូមិស្រឯមខាងជើង ឃុំស្រឯម ស្រុកជាំក្សាន្ត ខេត្តព្រះវិហារ។
គួរបញ្ជាក់ផងដែរថា ជនរងគ្រោះខាងលើគឺមានឈ្មោះ ហង្ស វិចិត្រ ភេទប្រុស អាយុ38ឆ្នាំ និងប្រពន្វឈ្មោះអ៊ុំ អូន អាយុ37ឆ្នាំ មុខរបអ្នកលក់បាញ់ឆែវ រស់នៅភូមិឃុំកើតហេតុខាងលើ។
សម្ភារះខូចខាតរួមមានលុយដុល្លា10000$ លុយបាត70000បាត លុយខ្មែរ1លានរៀល មាស8តំឡឹង
និងគ្រឿងសង្ហារឹមសរុបគិតជាទឹកប្រាក់10000$បន្ថែមទៀត។
លោក ជា គឹមសេង អភិបាលស្រុកជាំក្សាន្តបានបញ្ជាក់ផងដែរថា ក្រោយកើតហេតុ លោកបានបញ្ជាទៅអធិកាស្រុកយករថយន្តពន្លត់អគ្គីភ័យបានទាន់ពេលវេលា និងគ្រប់គ្រងបានលើស្ថានភាពជាក់ស្តែង
ដោយប្រើប្រាស់រថយន្តពន្លត់អគ្គីភ័យចំនួនពីរគ្រឿង និងបានប្រើប្រាស់ទឹកអស់ចំនួន5ស៊ីទែន ទើបធ្វើកាគ្រប់គ្រងបាននូវស្ថានភាពនេះទាំងស្រុង ដោយមិនបង្កអោយឆេះរាលដាលដល់ផ្ទះអ្នកជិតខាងបាន៕
