ឧត្តរមានជ័យ ៖ នៅស្នាក់ការរបស់ក្រុមហ៊ុនទំរីងរ៉ាប់ប៊ើ មានការបាញ់បោះអាវុធម៉ាកអាកាចំនួនពីរគ្រាប់ ពីសំណាក់យោធាមួយក្រុម ដែលបានទៅបោះទីតាំងគំរាមយកដីពីក្រុមហ៊ុនទំរីងរ៉ាប់ប៊ើដែលគេស្គាល់ថាជាកូនចៅរបស់លោក សុខារិទ្ធ ស្ថិតនៅក្នុងទីតាំងដីក្រុមហ៊ុន ក្នុងភូមិអូរតាម៉េង ឃុំស្រុកអន្លង់វែង ខេត្តឧត្តរមានជ័យ នៅព្រឹកថ្ងៃទី13 ខែកុម្ភះ ឆ្នាំ2018 ។
តំណាងក្រុមហ៊ុនបានអោយដឹងថា ក្រោយពីមានការបាញ់បោះ និងមានករណីគំរាមកំហែងនិងបង្ករហឹង្សា មកលើបុគ្គលឹកក្រុមហ៊ុន ខាងភាគីក្រុមហ៊ុនបានទៅប្ដឹងអោយសមត្ថកិច្ចនគរបាលស្រុកអន្លង់វែងដែរ តែមិនបានរកភាពយុត្តិធម៏ជូនពួកគាត់ទេ។
តំណាងក្រុមហ៊ុនបានបន្តអោយដឹងថា នៅថ្ងៃទី9 ខែកុម្ភះ កន្លងទៅថ្មីៗនេះ ក្រុមយោធាអង្គរក្សចំនួន5នាក់ ដឹកនាំដោយលោក សុខារិទ្ធ ប្រដាប់ដោយអាវុធម៉ាកអាកាគ្រប់ដៃ បានគំរាមឃាត់ខ្លួនបុគ្គលឹកក្រុមហ៊ុន និងបោកកាម៉េរាចោល ហើយកងកំលាំងយោធាបានធ្វើការរារាំង មិនឲ្យខាងក្រុមហ៊ុនបង្ករបង្កើនផលនៅលើដីសម្បទានរបស់ខ្លួន ដែលប្រមុខរាជរដ្ឋាភិបាលបានផ្ដល់ជូន។
លោកបញ្ចាក់ថា ចាប់តាំងពីឆ្នាំ2011 ដែលខាងក្រុមហ៊ុនបានទទួលសិទ្ធវិនិយោគ និងធ្វើការឈូសឆាយ រហូតដល់ពេលច្បាប់សូន្យមួយ ក៏មិនឃើញខាងយោធាចេញមុខតវ៉ា ទើបតែចេញមុខមកតវ៉ាថាដីរបស់ខ្លួននៅថ្ងៃទី9 ខែកុម្ភះ ឆ្នាំ2018 នេះ ហើយកងកំលាំងប្រដាប់អាវុធមកគំរាមយកដីក្រុមហ៊ុនតែម្ដង។
លោក សុខារិទ្ធ ដែលជាប្រធានក្រុមយោធាអង្គរក្សបាញ់បោះអនាធិបតេយ្យបានអោយដឹងថា មានកូនចៅបាញ់បោះមែន ដោយស្ដាកាណុងកាំភ្លើង ព្រោះកាំភ្លើងសុទ្ធតែថ្មីៗ ហើយកងកំលាំងដែលដេកយាមនៅទីនោះ សុទ្ធមានបទបញ្ជាសុទ្ធតែនាយឧត្តមសេនីយ៍ទៀតផង ព្រោះដីនៅទីនោះសុទ្ធសឹងដីរបស់មេនាយឧត្តមសេនីយ៍ទាំងអស់ តែលោកមិនបានបញ្ចាក់ឈ្មោះពីលោកឧត្តមសេនីយ៍ណាម្នាក់នោះឡើយ៕
