ខេត្តកោះកុង ៖ លោក អ៊ួន សារុន ប្រធានមណ្ឌលសុខភាពថ្មស ឃុំថ្មស ស្រុកបូទុមសាគរ ខេត្តកោះកុង រងការចោទប្រកាន់ពីសំណាក់ប្រជាពលរដ្ឋនៅក្នុងឃុំថ្មស ស្រុកបូទុមសាគរ ខេត្តកោះកុង ថាប្រធានមណ្ឌលសុខភាពថ្មស ឈ្មោះ អ៊ួន សារុន និងប្រពន្ទឈ្មោះ ស៊ីន ដានី អ្នកគ្រូពេទ្យនៅក្នុងមណ្ឌលសុខភាព អ្នកទាំងពីរអ្នកប្ដីប្រពន្ធនេះបានប្រើពាក្យសម្តីគ្រោតគ្រាត មិនគប្បីដាក់ប្រជាពលរដ្ឋដែលទៅរកសេវាព្យាបាលជម្ងឺនៅមព្ឌលសុខភាពមួយនេះ។
អ្នកជំងឺដែលចូលព្យាបាលនៅមណ្ឌលសុខភាពថ្មសបាននិយាយថា លោក អ៊ួន សារុន ប្រធានមណ្ឌលសុខភាពថ្មស និងអ្នកគ្រូពេទ្យ ស៊ីនដានី ប្រើពាក្យមិនគប្បីដាក់អ្នកជំងឺ ជេរស្ដីអ្នកជំងឺមិនដាច់មាត់ប្រជាពលរដ្ឋនៅក្នងឃុំថ្មសបាននិយាយតៗគ្នាថា ប្រពន្ធពេទ្យរុន ប្ដីពេទ្យ មើលងាយអ្នកជំងឺណាស់ ពួកគាត់បន្តថា អ្នកខ្លះឈឺពោះនៅផ្ទះទៅមណ្ឌលសុខភាពមិនទាន់ កើតកូននៅផ្ទះហើយក៌យកកូនទៅចាក់ថ្នាំ ឬសុំថ្នាំលេប អ្នកទាំងពីរមុននិងឲ្យថ្នាំឬចាក់ថ្នាំ ជេរស្ដីសិនទើបឲ្យថ្នាំ នេះជាការលើកឡើងពីសំណាក់ពលរដ្ឋ។
ចំណែកលោកពូម្នាក់ឈ្មោះ ភិន មេន គាត់ទៅមណ្ឌលសុខភាពថ្មស គាត់មានប័ណ្ណក្រីក្រកម្រិតភាពលេខ(១) ទៀត តែត្រូវប្រធានមណ្ឌលសុខភាពយកលុយគាត់អស់ (១៥ម៉ីនរៀល)គឺ១សែនប្រាំម៉ីនរៀល។គាត់បន្តថាពេទ្យមណ្ឌលសុខភាពនេះ ថាស្ដីគាត់ថែមទៀត។
តាមសម្ដីពីនាក់ដែលស្គាល់ពេទ្យ អ៊ួន សារុន និងមន្រ្តីម្នាក់សូមមិនបញ្ចេញឈ្មោះ បាននិយាយប្រាប់ថា តាំងពីពេទ្យរុន បានឡើងជាប្រធានមណ្ឌលសុខភាពថ្មសមក គឺឡើងកូតហើយត្រូវប៉ានទៀត ធ្វើផ្ទះពីរជាន់សង់ក្នុងអូរទៀត។ហើយបើកលក់ថ្នាំពេទ្យ ឲ្យប្រពន្ធលក់នៅផ្ទះ ដាក់ស្លាកឈ្មោះ បរីញ្ញាបត្ររងឆ្មប ស៊ីន ដានី ខាងក្រោមដាក់ស្លាកថាបន្ទប់ពិនិត្យស្រ្តីមានផ្ទៃពោះ។
តាមការលើកឡើងពីសំណាក់ពលរដ្ឋថា ផ្ទះប្រពន្ទពេទ្យរុនលក់ថ្នាំ នៅផ្ទះនេះអត់មានច្បាប់ទេហើយលក់ថ្នាំយូរហើយ។
ចំណែក លោក អ៊ួន សារុន ប្រធានមណ្ឌលសុខភាពថ្មស អ្នកសារព័ត៌មានសុំការបំភ្លឺពីរឿងថា ជេរស្ដីបន្ទោស អ្នកជំងឺនោះ គាត់ថា៖ តាំងពីមុនមានបន្តិចបន្តួចមែន តែឥឡូវនេះអត់មានទេ លោក អ៊ួនសារុន គាត់បន្តថា ឲ្យទៅសួរមេឃុំទៅ គាត់ប្រធាន មិនបាច់សួរគាត់ច្រើនទេរឿងនឹង នេះជាសម្ដីលោក អ៊ួន សារុន។
ចំណែកលោកមេឃុំ អិក កួន គាត់បានប្រាប់ថា ចាំគាត់ហៅពេទ្យមកសួរ ធ្វើពេទ្យមិនត្រូវស្ដីឲ្យអ្នកជំងឺទេ ហើយ គាត់មិនមែនត្រួពេទ្យនោះទេ គឺនៅលើមន្ទីរគេទេ ចាំគាត់ប្រជុំសួររឿងនឹង។
គួរំលឹកថាកន្លងមក រដ្ឋមន្រ្តីក្រសួងសុខាភិបាលបានដាស់តឿនទៅដល់មន្ទីរសុខាភិបាលតាមខេត្ត និងមណ្ឌលសុខភាពតាមឃុំស្រុក ត្រូវតែយកចិត្តទុកដាក់ទៅលើអ្នកជំងឺ មិនត្រូវប្រើពាក្យណាមិនគប្បីចំពោះអ្នកដែលមកព្យាបាលនោះទេ។តែប្រធានមណ្ឌលសុខភាពថ្មសរូបនេះផ្គើននឹងសម្ដីរដ្ឋមន្រ្តីទៅវិញ៕ដោយ យួនឈីវ
