ខេត្តកោះកុង ៖ កន្លងមកថ្មីៗនេះ មានមន្ត្រីអាជ្ញាធរស្រុកម្នាក់ឈ្មោះលោក សួន ស៊ីថា ជា អភិបាលរងស្រុកបូទុមសាគរ បានដឹកនាំកម្លាំងអង្គការសម្ពន្ធ័សត្វព្រៃ ហៅកាត់ថាវ៉ាយអេត ទៅដេញប្រជាពលរដ្ឋចេញពីលំនៅដ្ឋាន និងបានកាប់ដួលរំលំផ្ទះចំការពួកគាត់អស់ ហើយលោកសួន ស៊ីថា អភិបាលរងស្រុកបានបង្ខំពលរដ្ឋផ្ដឹតមេដៃ ឲ្យរុះរើចេញពីទីនោះ ដោយដាក់ខសន្យាក្នុងរយៈពេលមួយខែ ឲ្យរុះរើចេញទាំងអស់ បើមិនចេញទេគេនិងចាប់ខ្លួនហើយ ស្របពេលនោះលោក សួន ស៊ីថា អភិបាលរងស្រុកបានបន្តថា នាងឯងមកពីណា រស់នៅពីមុនជាមួយអ្នកណាទៅទីនោះវិញទៅ កុំមកនៅទីនេះ ដីនេះជារបស់គេអ្នកគ្រប់គ្រង នេះជាសម្ដីលោក សួន ស៊ីថា អភិបាលរងស្រុកបូទុមសាគរ។
តាមសម្ដីពីមន្រ្តីក្នុងស្រុកនិងប៉ូលីសសូមមិនបញ្ចេញឈ្មោះបានប្រាប់អ្នកសារព័ត៌មានថា លោក សួន ស៊ីថា បានស្នើសុំកម្លាំងអង្គការសម្ពន្ធ័សត្វព្រៃ ហៅកាត់ថាវ៉ាយអេត ដើរអុកឡុកប្រជាពលរដ្ឋតាមក្នុងភូមិតាមផ្លូវដែលពលរដ្ឋកាប់ព្រៃបន្តិចបន្តួច ធ្វើចំការឬដឹកឈើយកមកជួសជុលផ្ទះក៌ចាប់ដែរ។ ប្រជាពលរដ្ឋរស់នៅក្នុងភូមិចម្លងគោ និងភូមិថ្មស ឃុំថ្មស ស្រុកបូទុមសាគរ ខេត្តកោះកុង ប្រជាពលរដ្ឋទាំងពីរភូមិនេះ មានដីចំការស្ថិតនៅចំណុចគេហៅគ្រួសក្រហម និងចំណុចគេហៅខ្មោច៤នាក់។
ដីចំការរបស់ពួកគាត់ ដែលបានធ្វើចំការចាប់តាំងពីឆ្នាំ២០០៦មកម្លេះ ហើយបានដំាដំណាំនៅលើដីនោះបានផលទៀតផង ពលរដ្ឋបានបន្តថា ដីចំការពួកគាត់នៅ ចំណុខ្មោច៤នាក់នេះមានចំនួន២៤គ្រួសារ ខ្លះមានដំណាំ ខ្លះទៀតមានដំណាំដែរ តែភ្លើងព្រៃឆេះអស់នៅតែដីទទេ ដោយសារពួកគាត់ក្រីក្រពេក រកព្រឹកខ្វះល្ងាចមិនបានធ្វើចំការដឹតដល់ដូចគេអ្នកមានលុយគេធ្វើទេ ចំការអ្នកមានធ្វើលឿនណាស់ ឈូសឆាយដីភ្លាមដាំភ្លែត មិនដូចអ្នកក្រធ្វើតាមកម្លាំងនោះទេ។
ចំណែកប្រជាពលរដ្ឋ៨៦គ្រួសារទៀត ដែលមានដីនៅចំណុចគេហៅគ្រួសក្រហម ខ្លះមានដីចំការតាំងឆ្នាំ២០០៦ ខ្លះឆ្នាំ២០០៨មក ហើយខ្លះទៀតទើបតែទៅកាប់ព្រៃធ្វើចំការ ខ្លះទៀតអត់លុយដោយសារក្រពេកមិនមានលុយធ្វើចំការក៌លក់ដីនោះថោកៗទៅអ្នកផ្សេងទៅ ហើយក៌មិនមានអាជ្ញាធរណាដឹងលឺទេ ដោយសារជីវភាពខ្វះខាតពេក។
តាមសម្ដីប្រជាពលរដ្ឋ១១០គ្រួសារ ដែលនៅក្នុងភូមិចម្លងគោនិងភូមិថ្មស ដែលមានដីចំការនៅខ្មោច៤នាក់និងគ្រួសក្រហម បានរិះគន់ទៅលើអាជ្ញាធរថ្នាក់ស្រុក ថ្នាក់ខេត្ត ថា ប្រជាពលរដ្ឋកាប់ដីព្រៃ កាប់ធ្វើចំការបន្តិចបន្តួច មករករឿងគំរាមកំហែងពួកគាត់មិនឲ្យធ្វើទេ ត្រង់តែ អ្នកមានលុយមានអំណាច កាប់ដីព្រៃរាប់សឹបហិកតា ហើយខ្លះទៀតយកគ្រឿងចក្រយកមកកាយដីព្រៃដីភ្នំ ហ៊ុំពទ្ធ័យកដីព្រៃ មិនដែលឃើញអស់លោកទៅចាប់បានទេ ធ្វើបានតែអ្នកក្រទេ។
ប្រជាពលរដ្ឋបានបន្តថា ថ្មីៗនេះនៅថ្ងៃទី១៩ ខែមករា ឆ្នាំ២០១៨ នេះ មានអ្នកមានអំណាចម្នាក់ពាក់ផ្កាយ៣ បានយកគ្រឿងចក្រមកកាយដីព្រៃ កាយធ្វើកិញ ហ៊ុំពទ្ធ័យកដីព្រៃធ្វើជាកម្មសិទ្ធខ្កួនឯង។
ហើយក៌មានលោកជំទាវម្នាក់នៅភ្នំពេញ បានកាយដីព្រៃ ហ៊ុំពទ្ធ័យកដីព្រៃរាប់សឹបហិតាផងដែរហើយមិនដែលឃើញអស់លោកណាមកអើពើទេ។
កន្លងមក សម្ដេច ហ៊ុន សែន មានប្រសាសន៍ថា ព្រៃរិចរិល ប្រជាពលរដ្ឋទៅកាប់ព្រៃ ហើយតាំងទីលំនៅ នៅទីនោះបួនប្រាំឆ្នាំហើយ ឲ្យពួកគាត់មិនបានទេ តែបើគេមកវិយោគទុនលើដីនោះបែជាឲ្យវិនិយោគបាន ត្រង់ ប្រជាពលរដ្ឋ អស់លោកឲ្យគាត់មិនបានទេ នេះជាប្រសាសន៍ដ៏ថ្លៃថ្លារបស់សម្ដេច ហ៊ុនសែន។
សូមលោកជំទាវអភិបាលខេត្តកោះកុង មិថុនា ភូថង ជួយមើលរឿងដីធ្លីពលរដ្ឋនៅឃុំថ្មសនេះផង ប្រជាពលរដ្ឋពួកគាត់អត់មានដីអាស្រ័យផលទេ សង្ឃឹមថាលោកជំទាវអភិបាលខេត្តជាទីស្រឡាញ់ ជាទីទុកចិត្តរបស់ពលរដ្ឋដែលជួបការលំបាកក្នុងរឿងដីធ្លី លោកជំទាវតែងតែគឹតគូរដល់អ្នកក្រីក្រជានិច្ច៕ដោយ យួនឈីវ
