ភ្នំពេញ ៖ ទីតាំងជល់មាន់ដែលនៅក្នុងដីឡូត៍ទុកចោលមួយកន្លែង ឋិតក្នុងភូមិឫស្សី២ សង្កាត់ស្ទឹងមានជ័យ២ ខណ្ឌមានជ័យ ត្រូវបានកំលាំងសមត្ថកិច្ចខណ្ឌមានជ័យ ចុះបង្ក្រាបល្បែងជល់មាន់ភ្លាមៗ ក្រោយពេលទទួលបានព័ត៌មានថា មានល្បែងជល់មាន់កំពុងលេងយ៉ាងគគ្រឹកគគ្រេង ក្រោមការបញ្ជាផ្ទាល់ពី លោកវរៈសេនីយ៍ឯក តេង ស៊ីណូ អធិការខណ្ឌមានជ័យ តែត្រូវក្រុមជនញៀនល្បែងជល់មាន់ទាំងនោះដឹងខ្លួនមុន បានរត់គេចខ្លួនអស់បន្សល់ទុកនូវមាន់គក២ក្បាល រួចលោកតេង ស៊ីណូ អោយកងកម្លាំងរបស់លោករុះរើរបស់របរដែលនៅសល់ក្នុងទីតាំងខាងលើ មិនអោយមានបន្តទៀត។ ព
បើតាមការបញ្ជាក់ពីលោកវរៈសេនីយ៍ឯក តេង ស៊ីណូ បានអោយដឹងថា ទីតាំងខាងលើគឺជាកន្លែងដីឡូត៏ដែលម្ចាស់ទុកចោល ហើយក្រុមញៀនល្បែងខាងលើឆ្លៀតឱកាសលួចបើកជល់មាន់ ពេលនេះលោកនិងអោយកំលាំងប៉ុស្តិ៍ តាមមើលជាប្រចាំមិនអោយមានបន្តទៀតទេ ៕
