ខេត្តតាកែវ ៖ សមត្ថកិច្ចបានរកឃើញ តំបន់ដាំកញ្ឆាមួយកន្លែង ដែលចាត់ទុកថាជាទីតាំងដាំកញ្ឆាដ៏ធំ មានដើមកញ្ឆាជាង២ម៉ឺនដើម នៅក្នុងភូមិជ្រោយ ឃុំព្រះបាទជាន់ជុំ ស្រុកគិរីវង្ស ខេត្តតាកែវ កាលពីថ្ងៃម្សិលមិញនេះ។
តាមរបាយការណ៍បានឲ្យដឹងថា ដំណាំកញ្ឆាដែលគេលួចដាំខុសច្បាប់ មានចំនួន៥៦ទីតាំង ស្ថិតនៅភូមិឃុំខាងលើ ដែលស្មើនឹង២១៣៧១ដើម លើផ្ទៃដីសរុប ៨០៩២ម៉ែត្រការ៉េ។
បច្ចុប្បន្នកម្លាំងសមត្ថកិច្ចកំពុងស្រាវជ្រាវស្វែងរកអ្នកដាំកញ្ឆាទាំងនោះ ដើម្បីយកទៅផ្តន្ទាទោសតាមច្បាប់។
ប្រសិនបើសមត្ថកិច្ចបង្រ្កាបមិនទាន់ពេលទេ កញ្ឆាខុសច្បាប់ទាំងនោះនឹងត្រូវបានចរាចរណ៏បំពុលសង្គមយ៉ាងរលូន ៕
