កោះកុង ៖ អ្នកឧកញ៉ា លី ម៉េងឃាង បានចុះមកសំណេះសំណាលជាមួយមន្រ្តីរាជការ និងកងកម្លាំងប្រដាប់ អាវុធ នៅក្នុងស្រុកស្រែអំបិល ខេត្តកោះកុង នៅក្នុងពិធីនោះ អ្នកឧកញ៉ា លី ម៉េងឃាង អគ្គនាយកក្រុមហ៊ុនTK development អ្នកឧកញ៉ា លីម៉េងឃាង បានបរិច្ចាគធនធានផ្ទាល់ខ្លួនរបស់លោកផ្ទាល់ចំនួន៥០០០ដូល្លាអាមេរិក(ប្រាំពាន់ដូល្លា)ដែលជាអំណោយពិតចេញពីដួងចិត្តស្មោះសររបស់លោក ជូនទៅ លោកអធិការស្រុកស្រែអំបិល លោក ម៉ាទី ទុកកសាងស្នាក់ការប៉ុស្តិ៍នគបាលរដ្ឋបាលស្រុកស្រែអំបិល ដោយស្នាក់ការប៉ុស្តិ៍ចាស់បានទ្រុតទ្រោមពិបាកធ្វើការ។
នៅក្នុងពិធីនេះ អ្នកឧកញ៉ា លី ម៉េងឃាង បានសំណេះសំណាលជាមួយកងកម្លាំងប្រដាប់អាវុធ អោយចេះស្រឡាញ់គ្នា ហើយសហការគ្នាអោយបានល្អ និងបំរើប្រទេសជាតិអោយកាន់ល្អប្រសើរថែមទៀត ហើយអោយបំរើប្រជាពលរដ្ឋអោយបានល្អ និងជួយគ្នាទប់ស្កាត់គ្រឿងញៀនពីក្មេងទំនើង។
កន្លងមកអ្នកឧកញ៉ា លី ម៉េងឃាង បានបរិច្ចាគធនធានផ្ទាល់ខ្លួនរបស់លោក ជួយនៅក្នុងស្រុកស្រែអំបិលជាច្រើន អ្នកឧកញ៉ាបានបន្តថា គាត់ជួយដូចជា វត្ត ផ្លូវ សាលារៀន ស្នាក់ការគណបក្សប្រជាជនកម្ពុជា ស្នាក់ការប៉ុស្តិ៍ នគបាល លោកបន្តថាលោកនិងជួយបន្ថែមទៀតរាល់ការខ្វះខាតណាមួយនោះ។
អ្នកឧកញ៉ា លី ម៉េងឃាង បានថ្លែងអំណរគុណ និងដឹងគុណ សម្ដេច ហ៊ុនសែន ដែលសម្ដេចខំ តស៊ូពីបាតដៃទទេ ហើយសម្ដេចខំប្រឹងប្រែងដឹកនាំប្រទេសជាតិអោយបានរីកចំរើនមកដល់ពេលនេះដោយការដឹកនាំរបស់សម្ដេចបានល្អ។
នៅក្នុងការសំណេះសំណាលជាមួយកងកម្លាំងនិងមន្រ្តីរាជការនោះ អ្នកឧកញ៉ា លី ម៉េងឃាង បានបរិច្ចាកថវិការ ចែកជូនកងកម្លាំងប្រដាប់អាវុធ និងមន្រ្តីរាជការក្នុងម្នាក់ៗបានថវិកាចំនួន៥០០០០រៀលដូចគ្នា កងកម្លាំងនិងមន្រ្តីរាជការមានជាងមួយរយនាក់ នៅកន្លែងអធិការដ្ឋាននគបាលស្រុកស្រែអំបិល។
អ្នកឧកញ៉ា លី ម៉េងឃាង បាននិយាយប្រាប់ទៅកងកំម្លាំងប៉ូលិស ប៉េអឹមក្នុងស្រុកស្រែអំបិលទាំងអស់ថា បើមានប្រពន្ធកូនខាងប៉ូលិស ម៉េអឹម ឬកងកម្លាំងណាមួយ មានបញ្ហាណាមួយ អ្នកឧកញ៉ានឹងជួយថែមទៀត។
នៅក្នុងពិធីនោះ លោកអធិការស្រុក លោក ម៉ាទី បានធ្វើលិខិតថ្លែងអំណអរគុណរបស់ស្នងការដ្ឋាននគបាលខេត្តកោះកុង និងអធិការដ្ឋាននគបាលស្រុកស្រែអំបិល ដើម្បីដឹងគុណដល់អ្នកឧកញ៉ា លី ម៉េងឃាងដែលបានជួយកសាងនៅក្នុងស្រុកស្រែអំបិលនេះ ។
ជាចុងក្រោយ អ្នកឧកញ៉ា លី ម៉េងឃាង បានដឹងគុណសម្ដេច ហ៊ុន សែន អ្នកឧកញ៉ាបានជូនពរដល់ សម្ដេចហ៊ុនសែន ឲ្យមានសុភាពល្អ នឹងលោកជំទាវ ប៊ុនរានី ហ៊ុនសែន ចៅប្រុសចៅស្រី ឲ្យជួបតែសំណាងល្អ សុភាពល្អជានិច្ច។ដោយយួនឈីវ
