ខេត្តស្ទឹងត្រែង ៖ កាលពីព្រឹកថ្ងៃទី១៦ ខែមករា ឆ្នាំ២០១៨ កម្លាំងនគរបាលការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តស្ទឹងត្រែង បានបញ្ជូនជនសង្ស័យជាបុគ្គលកាន់បណ្ណ័ព័ត៌មានអង្គភាពកាសែតតាព្រហ្មម្នាក់ ទៅកាន់អយ្យការអមសាលាដំបូងខេត្ត ក្រោយចាប់ខ្លួនក្នុងករណីឆបោក យកចិញ្ចៀនក្លែងក្លាយទៅបញ្ចាំប្រព្រឹត្តកាលពីថ្ងៃ១៥ ខែមករា ឆ្នាំ២០១៨ នៅផ្សារសាមគ្គី ភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែង។
ជនសង្ស័យឈ្មោះ វ៉ាន់ សំណាង ភេទប្រុសអាយុ៤៧ឆ្នាំ មានទីលំនៅភូមិកណ្តាល ឃុំសណ្តារ ស្រុកលើកដែក ខេត្តកណ្តាល ជាអ្នកកាន់បណ្ណ័ព័ត៌មានអង្គភាពតាព្រហ្ម ឋានៈជាជំនួយការចាងហ្វាង៕
