កំពង់ចាម ៖ សង្វៀនជល់មាន់នៅស្រុកជើងព្រៃខេត្តកំពង់ចាម បើកលេងយ់ាងគគ្រឹកគគ្រេងឡើងវិញហើយ បន្ទាប់ពីសមត្ថកិច្ចស្រុកជើងព្រៃចុះបង្ក្រាបនៅប៉ុន្មានសប្តាហ៍មុន ស្រាប់តែឥឡូវបើកឡើងវិញយ៉ាងរលូន
ហើយធំជាងមុនទៀតផង ប្រហែលជាចចារត្រូវដងត្រូវផ្លែគ្នាជាមួយសមត្ថកិច្ចស្រុកហើយមើលទៅ បានជាដំណើរការយ៉ាងរលូនដូច្នេះ ហើយក៏ប្រហែលទទូលលាភសក្ការៈក៏មិនតិចដែរ បានជាស្ងាត់ឈឹង ដូចចោរលួចសេះអញ្ជឹង ព្រមទាំងប្រឆាំងបទបញ្ជាររបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ឌៃ ។
ចំពោះសង្វៀនជល់មាន់ខាងលើ ប្រជាពលរដ្ឋសម្តែងការព្រួយបារម្មណ៍ពីសន្តិសុខនិងសុវត្តិភាពរបស់ពួកគាត់ ខ្លាចមានចោរឆក់លួច ប្លន់ ក្នុងមូលដ្ឋានស្រុកជើងព្រៃ ហើយពួកគាត់ទទួចសុំទៅឯកឧត្តម គួច ចំរើន អភិបាលនៃគណៈ អភិបាលខេត្តកំពង់ចាម មេត្តាជួយបង្ក្រាបល្បែងស៊ីសងជល់មាន់និងអាប៉ោង ដើម្បីរក្សាសុវត្តិភាពជូនពួកគាត់ ព្រោៈមានតែឯកឧត្តមអភិបាលខេត្ត ទេ ដែលតែងតែយកចិត្តទុកជាមួយបងប្អូនប្រជាពលរដ្ឋក្នុងខេត្តកំពង់ចាមទាំងមូល៕
