កំពង់ធំ ៖ ទន្ទឹមនិងរាជរដ្ឋាភិបាលប្រកាសអោយប្រជាពលរដ្នចូលរួមកំចាត់អំពើពុករលួយ ក៏ស្រាប់តែបែកធ្លាយ រឿងលោក ឡឹក យ័ន ប្រធានការិយាល័យភូមិបាលរៀបចំដែនដីស្រុកកំពង់ស្វាយ ខេត្តកំពង់ធំ លួចឃុបឃឹតគ្នាជាមួយនិងអាជ្ញាធរភូមិ ចេញប្លង់ដីព្រៃអ្នកតា ដែលអ្នកភូមិរក្សាទុកសំរាប់រកអុស បោចវ័ល្ល៍ និងគោរពអ្នកតានៅទីនោះទៅវិញ ដីព្រៃអ្នកតានេះមានទីតាំងនៅជាប់នឹងព្រៃសហគមន៏ព្រៃហុំ ស្ថិតនៅក្នុងឃុំដំរីស្លាប់ ស្រុកកំពង់ស្វាយ។
ប្រជាពលរដ្ឋបានខឹងសំបារយ៉ាងខ្លាំងចំពោះលោក ឡឹក យ័ន ប្រធានការិយាល័យ ភូមិបាលរៀបចំដែនដីស្រុកកំពង់ស្វាយ ថ្លើមធំហ៊ានចេញប្លង់កម្មសិទ្ធទៅអោយឈ្មោះ ឆេង គូ ដែលជាមេឈ្មួញ ឈួសឆាយដីនៅឃុំសាន់គរ ស្រុកកំពង់ស្វាយ បានយកគ្រឿងចក្រទៅឈួសព្រៃអ្នកតា ដែលប្រជាពលរដ្ឋធ្លាប់គោរពបូជាតាំងពីដូនតា យកមកធ្វើស្រែប្រាំង និងស្រែវស្សា ដោយសារសំអាងទៅលោក ឡឹក យ័ន ជាអ្នកចេញប្លង់កម្មសិទ្ធអោយ ពលរដ្ននិយាយថាការឃុបឃិតគ្នានេះក៏មានការពាក់ព័ន្ធនិងលោកប្រធានមន្ទីសូរិយោដីខេត្តផងដែរ ។
ទន្ទឹមនិងនោះ ត្រូវបានប្រជាពលរដ្នជាច្រើនខ្សឹបប្រាប់ថា ឈ្មួញដុះស្លែរូបនេះអាងខ្នង អ្នកមានអំណាចមួយចំនួនក្នុងខេត្ត ចាំកាងបទល្មើសរហូតដល់ឈ្មួញនេះមានអំណាចខ្លាំង ហ៊ានធ្វើអ្វីតាមតែអំពើចិត្ត ហ៊ានដាក់គ្រឿងចក្រទៅឈួសឆាយព្រៃអ្នកតាផ្អប់ ដែលនៅជាប់នឹងព្រៃសហគមន៏ព្រៃហុំនេះ មិនខ្វល់ពីផលប៉ះពាល់របស់ប្រជាពលរដ្ឋរាប់រយគ្រួសារ ដែលជាម្ចាស់ឆ្នោតត្រូវអស់សង្ឃឹម ប្រៀបបីដូចហែកសន្លឹកឆ្នោតរបស់រាជរដ្នាភិបាលអញ្ចឹងដែរ ដូច្នេះបើរាជរដ្នាភិបាលទុក សាច់ស្អុយមួយដុំនេះនៅតទៅទៀត នោះដំបៅប្រហែលមិនជាទេ គួរកាត់សាច់មួយដុំនេះទៅ។
ប៉ុន្តែនៅព្រឹកថ្ងៃ៥ ខែមករា ឆ្នាំ2018 លោកព្រះរាជអាផ្ញាបានអោយជំនាញរដ្ឋបាលព្រៃឈើ នាំឈ្មោះ ឆេង គូ ដែលជាមេឈ្មួញឈួសព្រៃអ្នកតានេះទៅសួរនាំ ស្រាប់តែមានហ្វេសបុកមួយដែលមានឈ្មោះ ស៊ូចាន់រតនះ បានបង្ហោះថា គេទៅហែកសន្លឹកឆ្នោតចោល ប៉ុន្តែអ្នកដែលយកគ្រឿងចក្រទៅឈួសព្រៃអ្នកតា មិនគិតប្រយោជន៍របស់ពលរដ្ឋនោះទៅវិញទេ ដែលជាអ្នកហែកសន្លឹកឆ្នោតចោលនោះ ព្រោះមិនគិតប្រយោជន៍ពលរដ្ន មិនគិតថាព្រៃអ្នកតា គឺប្រមុខរាជរដ្ធាភិបាលបានហាមឃាត់ដាច់ខាត មិនអោយប៉ះពាល់នោះទេ ចំណែកឈ្មោះ ស៊ូចាន់រតនះ នេះក៏មានចំណែកនៅក្នុងនោះដែរ៕
