កោះកុង ៖ លោក អៀង រតនា ដែលគេស្គាល់ថាជាដៃស្ដាំរបស់ឧកញ៉ា សាមឃុន ត្រូវជាថៅកែភេសជ្ជៈបាកាស់ ប៉ាវផ្ដាច់មុខ គេល្បីថាមានខ្សែខ្នងធំនៅពីក្រោយខ្នង។លោក អៀង រតនា ជាដៃស្ដាំរបស់ឧកញ៉ា សាមឃុន រូបនេះបាននៅប្រចាំ នៅចំការស្វាយដែលមានដីចំការធំជាងគេ ចំនួន២៦០ហិតា ស្ថិតនៅសារាយ ភូមិភ្នំស្រឡៅ ភូមិឈើនាង ក្នុងឃុំជ្រោយស្វាយ ស្រុកស្រែអំបិល ខេត្តកោះកុង ចំណែកដីប្រជាពលរដ្ឋទាំង៣ភូមិនេះ ដែលត្រូវបានលោក អៀង រតនា រំលោភ យកដីពួកគាត់ចំនួន ទំហំដីសរុប ៣២ហិតា២៩១៤។
តាមការលើកឡើងរបស់លោកមេភូមិ ឈុន ឈិន បានអះអាងថា ដីប្រជាពលរដ្ឋនេះ ពួកគាត់បានកាប់ចំការនៅលើដីនេះ តាំងពីឆ្នាំ២០០១មកម្លេះ តាំងពីគាត់មិនទាន់ធ្វើមេភូមិ ឥឡូវគាត់បានធ្វើមេភូមិនៅឆ្នាំ២០០៦ រឿងរ៉ាវដីទាំងអស់នេះ គាត់ដឹងទាំងអស់ នេះជាការអះអាងរបស់មេភូមិ។
លោកមេភូមិបានបន្តទៀតថា ពួកគាត់និងប្រជាពលរដ្ឋបានមកមើលដីរបស់ពួកគាត់ ដែលមានព្រំប្រទល់ជាប់ជាមួយចំការស្វាយរបស់ឧកញ៉ា សាមឃុន ដែលមានលោក អៀង រតនា មើលការខុសត្រូវនៅទីនោះ តែត្រូវបាន កូនចៅរបស់លោក អៀង រតនា គំរាមចាប់ដាក់គុក គំរាមចាប់ទៅតុលាការទៀតផង ឲ្យតែប្រជាពលរដ្ឋណាហ៊ានមកតវ៉ាដីនេះ។ការគំរាមកំហែងប្រជាពលរដ្ឋនោះ មានជាច្រើនលើកច្រើនសារ ទើបនៅថ្ងៃទី២៧/ ២៨ ខែ១២/ ២០១៧កន្លងទៅនេះ ដោយសារប្រជាពលរដ្ឋទ្រាំមិនបាន ក៌នាំគ្នាណាត់មកសាលាស្រុកស្រែអំបិល ដើម្បីឲ្យលោកអភិបាលស្រុកជួយរកយុត្តិធម៌ជូនពួកគាត់ ហើយនៅថ្ងៃទី ២៩/១២/២០១៧ ទើបបានជួបជាមួយ លោក អៀង រតនា ដើម្បីរកដំណោះស្រាយ ពេលមកដល់សាលាស្រុក លោក អៀង រតនា បាននិយាយគំរាមប្រជាពលរដ្ឋថែមទៀត នេះជាទង្វើររបស់លោក អៀង រតនា។
ចំណែក លោកអភិបាលស្រុក ទួន សីលា បាននិយាយទៅលោក អៀង រតនា និងប្រជាពលរដ្ឋថា រឿងរ៉ាវដីធ្លី ទាំងអស់នេះ ចំាលោកឲ្យក្រុមការងានិងភូមិបាលចុះទៅមើលនៅថ្ងៃទី៣ ខែមករា ឆ្នាំ២០១៨ នេះ។
នៅថ្ងៃទី៣ ខែ មករា ឆ្នាំ២០១៨ នេះ ក្រុមការងាថ្នាក់ស្រុកដឹកនាំដោយលោកអភិបាលរង ម៉ាស់ សុជា និងប្រធានភូមិបាលលោក ជា នាង បានចុះទៅតាមការណាត់របស់ប្រជាពលរដ្ឋ នៅក្នុងនោះមានប្រជាពលរដ្ឋ៥៥នាក់បានមកកន្លែងដីរបស់ពួកគាត់ និងលោក អៀង រតនា ជាដៃស្ដាំរបស់ឧកញ៉ា សាមឃុន នៅទីនោះដែរ តែការនិយាយរបស់លោក អៀង រតនា នៅតែក្អេងក្អាងដដែល មិនញញើតក្រុមការងាថ្នាក់ស្រុកដែលចុះទៅរកដំណោះស្រាយជូនពលរដ្ឋឡើយ។
ចំណែកអ្នកសារព័ត៍មានបានសុំ លោក អៀង រតនា សុំការបំភ្លឺនៅកន្លែងដី ក៌ប៉ុន្តែលោក អៀង រតនា មិនឆ្លើយបំភ្លើទេពាក់ពន្ធ័រឿងដីខាងលើនេះ។
ចំណែកលោក ម៉ាស់ សុជា អភិបាលរងស្រុក អ្នកសារព័ត៌មានបានសុំការបំភ្លើនៅទីនោះ គាត់បានប្រាប់ថា គាត់រកវិធានការដោះស្រាយជូនប្រពលរដ្ឋឲ្យបាន។
ចំណែក លោក ជា នាង ប្រធានភូមិបាលស្រុកបាននិយាយថា គាត់និងចាតវិធានការតាមផ្លូវច្បាប់ហើយ ឲ្យម្ចាស់ចំការស្វាយរកឯកសារដែលទិញពីអ្នកណាឲ្យពិត ហើយម្ចាស់ចំការមិនត្រូវយកដីគេឯងទេ។
តាមការលើកឡើងរបស់ប្រជាពលរដ្ឋបាននិយាយប្រាប់អ្នកសារព័ត៌មាននៅចំពោះមុខថា ម្ចាស់ចំការស្វាយនេះ មានទាហាននៅក្នុងចំការ ហើយមានកាំភ្លើងទៀត ហើយអ្នកយាមនោះបាននិយាយថា ប្រជាពលរដ្ឋណាហ៊ានដើរកាត់តាមចំការ គេនិងបាញ់ហើយ។
ចំណែក លោកឧកញ៉ា សាមឃុន អ្នកសារព័ត៌មានមិនអាចទំនាក់ទំនងបានទេ។
សូមឲ្យអាជ្ញាធរមានសមត្ថកិច្ចជំនាញដែលពាក់ពន្ធ័ក្នុងរឿងប្រើប្រាស់អាវុធខុសច្បាប់ គួរចាត់វិធានការស្រាវជ្រាវការប្រើប្រាស់អាវុធនៅក្នុងចំការស្វាយខាងលើ ដែលម្ចាស់ចំការស្វាយជាអ្នកមានលុយមានអំណាច មានខ្សែខ្នងធំហើយរងការរិះគន់ថាឲ្យកូនចៅដើររំលោភយកដីប្រជាពលរដ្ឋក្រីក្រ៕ដោយ យួន ឈីវ
