កោះកុង ៖ លោក សុវណ្ណ ប៊ុនធឿន ប្រធានច្រកទ្វារអន្តរជាតិចាំយាម ខេត្តកោះកុង កំពុងរងការរិះគន់ពីសំណាក់ប្រជាពលរដ្ឋថាបានបើកដៃឲ្យឈ្មួញរកស៊ីនាំចូល សាច់មាន់ ជង្គង់មាន់ ប្រហិត ដែលត្រូវបានហាមឃាត់មិនឲ្យនាំចូល ព្រោះពុំមានគុណភាពប៉ះពាល់ដល់សុខភាពប្រជាពលរដ្ឋ តែលោក សុវណ្ណ ប៊ុនធឿន បែជាអង្គុយបើកដៃ ឲ្យកូនចៅយកលុយពីអ្នករកស៊ីនាំចូល ប្រហិត សាច់មាន ជង្គង់មាន់ ពីថៃយ៉ាងរំភើយ។
កន្លងមកថ្មីនេះ នៅថ្ងៃទី 17 ខែតុលា ឆ្នាំ2017 សមត្ថកិច្ចចំរុះបានចុះចាប់សាច់មាន់ ជង្គង់មាន់គ្រប់ប្រភេទ នៅ គល់ស្ពានកោះកុង ចាប់បានចំនួន1687គីឡូក្រាម ហើយបានយកទៅដុតចោលទាំងអស់ សាច់មាន់ ជង្គង់មាន់ ប្រហិតទាំងអស់នោះដែលខូចគុណភាព គឺបានដឹកមកតាមច្រកទ្វារអន្តរជាតិចាំយាមទាំងអស់ ហើយត្រូវបាន កម្លាំងការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តកោះកុង ដឹកនាំផ្ទាល់ដោយ លោកវរសេនីយ៌ឯក មីន រស្មី ស្នងការរងបានចាប់តាមការជាក់ស្ដែង។
តែផ្ទុយទៅវិញ លោក សុវណ្ណ ប៊ុនធឿន ប្រធានច្រកចាំយាម នៅតែបន្តបើកដៃឲ្យកូនចៅយកលុយពីបទល្មើសទាំងអស់នេះយ៉ាងរំភើយហើយបន្តឲ្យនាំចូល មិនតែប៉ុណ្ណោះសូម្បីតែលោកគយនឹងរដ្ឋាករ ក៏នៅចាំយកលុយពីអ្នកអូសរទេះ មិនដែលត្រួតពិនិត្យទេ ដឹងតែយកលុយទេ ទោះបីមានគ្រឿងញៀនលាក់ទុកក្នុងរទេះក៌មិនដឹងដែរ។
ចំណែកលោក សុវណ្ណ ប៊ុនធឿន ប្រធានច្រកទ្វារចាំយាមជាច្រកអន្តរជាតិ បានប្រាប់អ្នកសារព័ត៌មានតាមទូរស័ព្ទ ថា រឿងជង្គង់មាន់ សាច់មាន់ ប្រហិត ដែលនាំចូលមកនេះ លោកថាមិនដឹងទេ ចាំលោកហៅមកប្រជុំ សួរមើល លោកបន្តថា រឿងទាំងអស់នេះលោកមិនឲ្យនាំចូលទេ។
ពាក់ពន្ធ័ក្នុងរឿងនេះ ប្រធានការិយាល័យគយនឹងរដ្ឋាករចាំយាម លោក ថេង ម៉ុងហួន អ្នកសារព័ត៌មានតេទូរសព្ទ័ ចូលហើយមិនលើក។
ប្រជាពលរដ្ឋសំណូមពរ គួរតែលោក គុណ ញឹម អគ្គនាយកគយនឹងរដ្ឋាករ យកលោក ថេង ម៉ុងហួន ទៅដុះខាត់ក្អែលចេញម្ដង។
ចំណែក លោក សុវណ្ណ ប៊ុនធឿន វិញ គួតែលោក សុខ ផល នាយឧត្ដមសេនីយ៌ផ្កាយមាស4 យក លោក សុវណ្ណ ប៊ុនធឿន ទៅដុះខាត់ចេញម្ដងដែរហើយ៕ដោយយួនឈីវ
