ស្ទឹងត្រែង ៖ រថយន្តហាយលែនដ័រដឹកឈើប្រណីតចំនួន២គ្រឿង ត្រូវបានសមត្ថកិច្ចអាវុធហត្ថខេត្តស្ទឹងត្រែង ធ្វើការបង្ក្រាបនិងស្ទាក់ចាប់បាន កាលពីវេលាម៉ោង១៩:៣៥នាទីយប់ថ្ងៃទី២៥ ខែតុលា ឆ្នាំ២០១៧ ត្រង់ចំណុច
ភូមិដំរីផុង ឃុំកោះសំពាយ ស្រុកសៀមបូក ខេត្តស្ទឹងត្រែង។
អាវុធហត្ថបន្តថា ក្រោយការឃាត់រថយន្តទាំង២គ្រឿងខាងលើ តៃកុងក៍បានដាក់មេប្រូចរត់ចោលរថយន្ត ចំណែកតៃកុងម្នាក់ទៀតក៍ត្រូវបានឃាត់ខ្លួនភ្លាមៗផងដែរ។
អាវុធហត្ថបានបញ្ជាក់ថា រថយន្តដែលកម្លាំងយើងឃាត់បាន ម៉ាកហាយលែនដ័រ មានចំនួន២គ្រឿង ពណ៌ខ្មៅដូចគ្នា គ្មានស្លាកលេខ ហើយនៅក្នុងរថយន្តនោះបានផ្ទុកឈើប្រណឹតប្រភេទធ្នង់(ពេញរថយន្ត)។បច្ចុប្បន្ន ទាំងតៃកុងនិងរថយន្តដឹកឈើខាងលើត្រូវបានរក្សាទុកនៅក្នុងទីបញ្ជាការដ្ឋានកងរាជអាវុធហត្ថខេត្ត រង់ចាំធ្វើការប្រគល់ជូនមន្ត្រីជំនាញរដ្ឋបាលព្រៃឈើខេត្ត៕
