កំពង់ធំ ៖ បទល្មើសនេសាទនៅក្នុងស្រុកស្ទោង មានការកើនឡើងជាលំដាប់ ដោយពុំមានការទប់ស្កាត់នីងហាមឃាត់ពីមន្ត្រីជលផលនោះឡើយ ខណះពេលដែលរាជរដ្ឋាភិបាល បានរឹតបន្តឹងទៅលើវិស័យជលផល និងហាមឃាត់ មិនអោយមានការដាក់បទល្មើសនេសាទ ដោយប្រើប្រាស់ឧបករណ៍នេសាទខុសច្បាប់ ។
ជាក់ស្ដែងនៅព្រឹកថ្ងៃទី១៩ ខែតុលា ឆ្នាំ២០១៧ រូបភាពនូវទិដ្ឋភាពបទល្មើសនេសាទ ដែលកំពុងតែរីកដុះដាលពេញផ្ទៃទឹក ដែលស្ថិតនៅក្នុងចំនុចបឹងកំពីងពួយ ឃុំម្សាក្រង ស្រុកស្ទោង ខេត្ដកំពង់ធំ ដែលត្រូវបានគេដឹងថា ស្ថិតនៅក្រោមការគ្រប់គ្រងរបស់ដែនសមត្តិកិច្ចជលផល លោកគនចាន់ សីហា នាយសង្កាត់រដ្ឋបាលជលផលស្ទោង ខេត្តកំពង់ធំ នេះបើតាមការរាយការណ៏របស់ប្រជានេសាទ។
ប្រភពប្រជាពលរដ្ឋបានអោយដឹងថា បទល្មើសនេសាទដែលបានដាក់នៅក្នុងភូមិសាស្រ្តបឹងកំពឹងពួយ នីងចំនុចអូចក ក្នុងទឹកដីភូមិម្សាក្រង ស្រុកស្ទោង ហើយបានប្រើប្រាស់ឧបករណ៍នេសាទខុសច្បាប់ អាចកើតមានទៅបាន គឺដោយសារពួកជនល្មើសបានជូបជាមួយសមត្ថកិច្ចជំនាញជលផលអស់ហើយ ទើបបានជាអ្នកដាក់ បរ លូ នីងដាក់ដៃ អាចដាក់បានយ៉ាងរលូន ដោយពុំមានឧបសគ្គ ណាមករារាំងក្នុងការដាក់បទល្មើសនេសាទនោះឡើយ ។
ប្រភពត្រូវបានបន្តថា នៅចំនុចដាក់បទល្មើសទាំងនេះ គឺត្រូវបានគេប៉ាន់ ស្មានមិនក្រោមពី៣០០កន្លែងនោះទេ នេះគ្រាន់តែចំនុចមួយប៉ុណ្ណោះ ចំណែកនៅភូមិសាស្រ្តទីតាំងផ្សេង គឺយ៉ាងច្រើនសន្ធឹកសន្ធាប់ ដោយធ្វើអោយមានការព្រួយបារម្ភណ៍យ៉ាងខ្លាំងចំពោះការសាបសូន្យ ហិនហោចនូវមច្ឆាជាតិ។
ប្រជាពលរដ្ឋបានសំណូមពរដល់ឯកឧត្ដម សុខ លូ អភិបាលនៃគណះអភិបាលខេត្ដកំពង់ធំ និងលោកប៉ែន វណ្ណ រិទ្ធ នាយខណ្ណរដ្ឋបាលជលផលខេត្ដកំពង់ធំ មេត្តាជួយចាត់វិធានការបង្រ្កាបផង ដើម្បីការពារនីងថែរក្សាមច្ឆាជាតិយើង៕
