កំពង់ឆ្នាំង ៖ នៅល្ងាចថ្ងៃទី១១ ខែតុលា ឆ្នាំ២០១៧ មានប្រជាពលរដ្ឋបានរាយការណ៍ទៅ កងកម្លាំងអាវុធហត្ថ ខេត្តកំពង់ឆ្នាំងថាមាន ឈើប្រណិតលាក់ទុកយ៉ាងច្រើន នៅផ្ទះឈ្មោះ វ៉ន វ៉ុព ត្រូវជាម្តាយរបស់ឈ្មួញរកស៊ីឈើប្រណិតដ៏ល្បី ឈ្មោះ វី ដែលមានផ្ទះលេខF03 ក្រុមទី1 ផ្លូវគ្រាំងល្វា ភូមិតាំងគ្រង ឃុំគ្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង និងផ្ទះឈ្មោះ សុខ ដែលនៅជិតគ្នា ហើយផ្ទះឈ្មោះ សុខ នេះ មានឈើប្រណិតច្រើនលាក់ទុកខាងក្រោយផ្ទះ និងក្រោមផ្ទះ។
កងកម្លាំងក៌បានចុះទៅបង្ក្រាបភ្លាមៗ ហើយការចុះបង្ក្រាបនោះ បង្ក្រាបបានតែផ្ទះឈ្មោះ វ៉ន វ៉ុព ដែលជាផ្ទះ ម្តាយរបស់ឈ្មួញឈើឈ្មោះ វី ទេ ចំណែកផ្ទះឈ្មោះ សុខ មិនបានបង្ក្រាបឡើយ គ្រាន់តែកងកម្លាំងទៅមើលមួយភ្លែតតែប៉ុណ្ណោះ ។
សម្ភារៈដែលត្រូវឃាត់មានរថយន្តមួយគ្រឿង ម៉ាក Grankrea ពណ៍ស ពាក់ស្លាកលេខ កោះកុង 2A .0042 និងឈើជាច្រើនដុំ តែកងកម្លាំងមិនបានឃាត់ខ្លួនឈ្មួញឈើឈ្មោះ វី ឡើយ។
ការចុះទៅបង្ក្រាបនោះ មានកងកម្លាំងមាវុធហត្ថខេត្ត ផ្នែករដ្ឋបាលព្រៃឈើកំពង់ត្រឡាច និងនគរបាលប៉ុស្តិ៍ គ្រាំងល្វា ប៉ុស្តិ៍បឹងខ្នា ហើយមានការអនុញាត្តិពីព្រះរាជអាជ្ញាខេត្ត។
ក្នុងការចុះបង្ក្រាបនេះ ប្រជាពលរដ្ឋដែលរស់នៅជំវិញ និងអ្នកធ្វើដំណើរឆ្លងកាត់ទីនោះ បានឆ្ងល់ថា ចុះហេតុអ្វីបានជាមិនឃាត់ឈ្មួញជាម្ចាស់ឈើឈ្មោះ វី ហើយឈើផ្ទះឈ្មោះសុខ ក៌មិនចាប់យកទៅផងដែ តើហេតុអ្វី?៕
