កំពង់ធំ ៖ ក្មេងស្ទាវ៣នាក់ត្រូវកម្លាំងនគរបាលក្រុងស្ទឹងសែន ចាប់វាយខ្នោះបញ្ជូនទៅតុលាការខេត្ត ពាក់ព័ន្ធនិងបង្ហោះសារតាមហ្វេសបុកគំរាមបាញ់សំលាប់ជនរងគ្រោះ ដោយក្មេងប្រុសម្នាក់រងការគំរាមសំលាប់ពីក្មេងស្ទាវ៣នាក់ កាលពីព្រឹកថ្ងៃទី០៦ ខែតុលា ឆ្នាំ ២០១៧ នៅភូមិបល្ល័ង្កលិច សង្កាត់ដំរីជាន់ខ្លា ក្រុងស្ទឹងសែន ខេត្តកំពង៎ធំ។
តាមប្រភពពត័មានពីសមត្ថកិច្ចបានអោយដឹងថា ករណីគំរាមបាញ់សម្លាប់ទៅលើជនរងគ្រោះ ដោយ ជនសង្ស័យទាំង៣មានឈ្មោះ ១-ឈ្មោះស៊ុយ គឹមស្រៀង ភេទប្រុស អាយុ១៧ឆ្នាំ នៅភូមិក្រចាប់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ មុខរបរសិស្ស (ពិនិត្យទឹកនោមឃើញសារធាតុញៀន) ២-ឈ្មោះសាន សោភ័ណ្ឌ ភេទប្រុសអាយុ១៨ឆ្នាំនៅភូមិថ្នល់បែក ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ មុខរបរមិនពិតប្រាកដ ៣-ឈ្មោះស៊ុយ ពិសើរ ភេទប្រុស អាយុ១៨ឆ្នាំ នៅភូមិថ្នល់បែក ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ មុខរបរជាងធ្វើធ្មេញនៅភ្នំពេញ (ជាមុខសញ្ញាប៉ុនប៉ងធ្វើឃាតទៅលើជនរងគ្រោះម្នាក់ឈ្មោះទូច លាងហាក់ ភេទប្រុស អាយុ១៨ឆ្នាំ នៅភូមិបល្ល័ង្កលិច សង្កាត់ដំរីជាន់ខ្លា ។
ចំណែកវត្ថុតាងមាន៖ ១-កាំភ្លើងខ្លីជ័រ ពណ៌ខ្មៅចំនួន០១ដើម , ២-ដាវច្នៃធ្វើពីដែក មានមុខមុតសំប៉ែត គ្មានដង ប្រវែង០៧cm , ៣-ដែកច្នៃ មានមុខចុងស្រួចដងមូល ប្រវែង១cm ចំនួន០២ដើម មានរុំស្គត់ខ្មៅ។
លោកញែម ឈុនលី អធិការក្រុងស្ទឹងសែន បានបញ្ចាក់ថា (មូលហេតុមានគំនុំ រឿងស្រីញី)ដោយសារជនល្មើសបង្ហោះតាមហ្វេសបុកគំរាមបាញសំលាប់ជនរងគ្រោះ ដោយសារជនរងគ្រោះ ឆាតញ៉ែសង្សាររបស់ខ្លួន ក្រោយមកត្រូវបានលោកបញ្ចាអោយសមត្ថកិច្ចតាមចាប់ជនល្មើសទាំង៣ បញ្ចូនទៅតុលាការកាលពីព្រឹកម៉ិញហើយ៕
