ឧត្តរមានជ័យ ៖ ខេត្តឧត្តរមានជយ័កំពុងល្បីល្បាញថា មានបនល្បែងស៊ីសង បៀ អាប៉ោង យូគី ប្រជល់មាន់ មានច្បាប់ដែលសំបូរទៅដោយប្រជាពលរដ្ឋខ្មែរាប់រយនាក់ក្នុងមួយថ្ងៃៗ ញៀនល្បែងផ្គុំក្បាលគ្នាលេងយ៉ាងអាណាធិបតេយ្យ។
កាលពីថ្ងៃទី26 ខែកញ្ញា ឆ្នាំ2017 អាជ្ញាធរនិងសមត្ថកិច្ចក្រុងសំរោង ខេត្តឧត្តរមានជយ័ ថាបនល្បែងស៊ីសងដែលនៅក្នុងចំណតរថយន្ដអូស្មាច់របស់លោក កុកទៀង ក្នុងសង្កាត់អូស្មាច់ ក្រុងសំរោង ជារបស់ក្រុមហ៊ុន ហើយមានច្បាប់ត្រឹមត្រូវ។បនល្បែងស៊ីសងមួយនេះបានបើកលេងយ៉ាងរលូន បណ្តាលអោយប្រជាពលរដ្ឋខ្មែរក្នុងមួយថ្ងៃៗ ងប់ងល់ញៀនល្បែងស៊ីសង មិនគិតពីការងារកស៊ីទទួលទាន រលាយហិនហោចទ្រព្យសម្បត្តិ និងបង្កឲ្យមានភាពអសន្តិសុខក្នុងសង្គម។
ខេត្តឧត្តរមានជ័យជាខេត្តមួយដែលទទួលបានសមារណកម្មក្រោយគេ ហើយប្រជាពលរដ្ឋរស់នៅក្នុងខេត្តមួយនេះ ក៍ទទួលបានការរស់នៅប្រកបដោយសុខសុវត្ថិភាពល្អ និងប្រកបដោយភាពថ្លៃថ្នូរ ដែលភាគច្រើនប្រកបរបរកសិកម្ម។ផ្ទុយទៅវិញសព្ទថ្ងៃនៅខេត្តឧត្តរមានជ័យក្លាយជាខេត្តមួយដែលនៅថ្ងៃខាងមុខពលរដ្ឋប្រឈមនិងជួបទុក្ខធំក្នុងជីវភាពសង្គមគ្រួរសារផង និងសុខសុវត្ថិភាពផង ក្រោយពីខេត្តមួយនេះបានបង្កើតល្បែងស៊ីសង បៀ អាប៉ោង យូគី ប្រជល់មាន់បែបអនាធិប្បតេយ្យនៅក្នុងចំណតរថយន្ដអូស្មាច់ ។
ប្រជាពលរដ្ឋនៅខេត្តឧត្តរមានជ័យសូមអំពាវនាវដល់ប្រមុខរាជរដ្ឋាភិបាល និងក្រសួងពាក់ពន្ធ័ ជួយលុបបំបាត់ល្បែងស៊ីសងមួយនេះអោយទាន់ពេលវេលាផង ប្រសិនបើអាណិតអាសូរដល់ពួកគាត់ ហើយរាល់ថ្ងៃនេះ មានប្រជាពលរដ្ឋជាច្រើននាក់ដែលបានរងគ្រោះដោយសារតែបនល្បែងខាងលើ និងមានអ្នកសារព័ត៍មាន3នាក់ក៍បានទទួលរងគ្រោះ ដោយបានទៅថតផ្តិតយកសកម្មភាពរូបភាពល្បែងស៊ីសងខាងលើដើម្បីផ្សាយជួនថ្នាក់ដឹកនាំអោយបានដឹងនិងជួយលុបបំបាត់ តែអកុសលក៍ត្រូវបានលោក ឌិន វ៉ាន់ឌី ប្រធានការិយាលយ័ព្រហ្មទណ្ឌ័កំរិតស្រាលនៃស្នងការដ្ឋាននគបាលខេត្តឧត្តរមានជយ័ ចាប់វាយខ្នោះភ្លាម និងលុបឯកសារក្នុងម៉ាស៊ីនថតចោលទាំងអស់ និងយកឈ្មោះលោកព្រះរាជអាជ្ញា មកគំរាមចាប់អ្នកកាសែតដាក់គុក ទាំងនាក់សារព័ត៍មានទាំងបីនាក់នោះមិនទាន់និងចេញផុតពីបរិវេណបនល្បែងស៊ីសងនោះផុតផង កាលពីររសៀលថ្ងៃទី26 ខែកញ្ញា កន្លងមកនេះ។
នៅថ្ងៃទី27ខែកញ្ញា លោកឧត្ដមសេនីយ៍ត្រី ឡឹក សុខា ស្នងការងទទួលផែនព្រហ្មទណ្ឌ័នៃស្នងការនគបាលខេត្តឧត្តរមានជយ័បានអោយដឹងថា លោកទទួលស្គាល់ថាការចាប់វាយខ្នោះអ្នកកាសែតពីសំណាក់កូនចៅរបស់លោកនោះ វាមិនមែនជារឿងត្រូវច្បាប់នោះទេ ព្រោះគ្មានបទបញ្ជាផ្ទាល់ពីរូបលោក រឺក៍លោកស្នងការនិងលោកព្រះរាជអាជ្ញា តែក៍មិនទាន់ចាត់ទុកថាកូនចៅលោកខុសទាំងស្រុងដែ ពីព្រោះកូនចៅលោកទទួលបណ្ដឹងតាមទូរសព្ទ័ពីលោក កុកទៀង ជាម្ចាស់ក្រុមហ៊ុនដែលអ្នកកាសែតទាំងនោះទៅថតដោយគ្មានការអនុញាត្តិ៕
