កំពង់ធំ ៖ បទល្មើសដឹកឈើចេញពីព្រៃអង់តែនដែលស្ថិតនៅក្នុងឃុំក្រយា ស្រុកសន្ទុក ខេត្តកំពង់ធំ កំពុងតែមានសកម្មភាពយ៉ាងគគ្រឹកគគ្រែងពីសំណាក់ឈ្មួញ ដែលមានមុខរបរជាអ្នកកាប់ អារនិងជ្រៀកឈើលក់ ធ្វើអោយព្រៃអង់តែនដែលជាព្រៃមានជំនួយឥតសំណងពីប្រទេសជប៉ុន ក្នុង១ឆ្នាំៗ រាប់សែនដុល្លា សម្រាប់គ្រប់គ្រងធនធានធម្មជាតិអោយនៅគង់វង្សមួយនេះ នឺងត្រូវរលាយដោយសារឈ្មួញ កាប់បំផ្លាញដឹកជញ្ចូនឈើ ចេញក្នុង១ថ្ងៃៗ មិនតិចជាង៣០កាឡេថងនោះទេ ធ្វើអោយព្រៃឈើរងការវិនាស ហិនហោច ក្នុងបំណងយកដីធ្វើចំការ ពីសំណាក់ឈ្មួញលោភលន់ ដោយមិនខ្លាច រអាពីសំណាញ់ច្បាប់សូម្បីតែបន្តិច ទង្វើទាំងនេះត្រូវបានគេមើលឃើញថា បើគ្មានការបង្រ្គាបទប់ស្កាត់ទេ ព្រៃអង្គតែននិងត្រូវរលាយបាត់ក្នុងពេលខាងមុខមិនខាន ។
លោក តិញាតា នាយខ័ណ្ឌរដ្នបាលព្រៃឈើកំពង់ធំបានបញ្ចាក់ថា គម្របព្រៃឈើ ទាំងនេះត្រូវបានដាក់អោយខាងក្រសួងបរិស្ថានគ្រប់គ្រងហើយ មិននៅក្រោមការគ្រប់គ្រង រដ្ឋបាលព្រៃឈើទៀតទេ តែយើងនៅតែជួយបង្រ្កាប ការពារជារៀងរហូតមក ដោយសារតែខាងបរិស្ថាន មានគ្នាតិច ធ្វើអោយបទល្មើសចេះតែកើតមានជាហូរហែរ ពីឈ្មួញដែលតែងតែកាប់បំផ្លាញ ដោយពុំខ្លាចសមត្ថកិច្ចចុះបង្រ្កាបឡើយ។
ពាក់ព័ន្ធនិងរឿងនេះដែរ លោកឈាង មាលា នាយសង្កាត់រដ្ឋបាលព្រៃឈើក្រយាបានអោយដឹងថា អ្នកស្រុក អ្នកភូមិនៅទីនេះបាននាំគ្នាចូលទៅកាប់ព្រៃអង្គតែនរាល់ថ្ងៃ ហើយឈ្មួញទាំងនេះមិនខ្លាច សមត្ថកិច្ចមេព្រៃនោះទេ រួមទាំងមន្ដ្រីអាវុធហត្ថ នគរបាល ផងដែរ គឺឈ្មួញឈើតដៃជាមួយសមត្ថកិច្ចគ្រប់ពេល ចុះបង្រ្កាប ដូច្នេះសុំអោយក្រសួងបរិស្ថានរឺតបណ្តឺងនិងរួមគ្នាបង្រ្កាបបទល្មើសដែលកំពុងកើតមានជាហូហែរ ដោយសារសមត្ថកិច្ចយើងជួយ ការពារនិងបង្រ្កាបហើយនៅតែមិនឈ្នះ។
ជុំវិញបញ្ហានេះ សមត្ថកិច្ចព្រមទាំងមន្រ្ដីរាជការ ប្រជាពលរដ្ន ស្នើអោយអាជ្ញាធរស្រុក ខេត្ត ជាពិសេស ក្រសួងបរិស្ថាន មេត្ដាចាត់វិធានការជាបន្ទាន់ ចំពោះឈ្មួញឈើដែលតែងតែចូលទៅកាប់ព្រៃអង្គតែន យកអុស យកឈើ និងយកដីធ្វើចំការយ៉ាងអាណាធិតេយ្យនេះផង បើមិនដូច្នេះទេមិនយូរទេ មុខតែរលាយអស់ជាមិនខាន៕
