ខេត្ដរតនីគិរី ៖ ការដឹកជញ្ជូនឈើប្រណិត ចេញពីដែនអភិរក្សស្រុកអណ្ដូងមាស ខេត្តរតនគីរី របស់ក្រុមឈ្មួញដ៏ល្បីឈ្មោះដុះស្លែ ដែលគេស្គាល់ឈ្មោះលោក វណ្ណា ជាអ្នកដឹកជញ្ជូនឈើប្រណិតយ៉ាងសកម្ម យកទៅលក់នៅប្រទេសវៀតណាម និងដឹកស៊ីឈ្នួលឲ្យជនជាតិវៀតណាម ដែលមកចាំទិញឈើ នៅក្នុងស្រុកអណ្ដូងមាស ដែលមានលោក វណ្ណា ជានាក់ជំនាញខាងដឹកជញ្ជូន ដឹកចូលតាមច្រករបៀងនាៗ តាមប៉ុស្ដិ៍ចាំយាម ចំណុចច្រកបាតាំ បាង៉ារ និងភូមិចង ដែលមានបង្គោលក្រវ៉ាត់ព្រំដែនលេខ១៩/៤ និងបង្គោល (ល) កម្ពុជា វៀតណាមលេខ២១ ដែលស្ថិតក្នុងឃុំញ៉ាង ស្រុកអណ្ដូងមាស ខេត្ដរតនគិរី ។
ប្រភពពីប្រជាពលរដ្ឋនិងនាក់ស៊ីស្នួលលើកឈើបានប្រាប់អោយដឹងថា លោក វណ្ណា និងក្រុមបក្ខពួក ដ៏ល្បីល្បាញខាងការដឹកជញ្ជូនឈើប្រណិតឆ្លងដែនខុសច្បាប់រូបនេះ មិនមែនទើបតែដឹកនោះទេ គឺពួកគេដឹក ជាយូរខែឆ្នាំមកហើយ ដឹកជាហូរហែរមិនលោះថ្ងៃទេ មួយថ្ងៃៗដឹកពីរទៅបីជើង មិនក្រោមពី១០ទៅ២០ឡាននោះឡើយ តែពួកគាត់មិនដែលឃើញមានសមត្ថកិច្ច រឺ មន្ត្រីជំនាញណាហ៊ានបង្ក្រាបនោះទេ ប្រហែលជាត្រូវរ៉ូវគ្នាអស់ហើយមើលទៅ បានជាមិនហ៊ានបង្ក្រាបបែបនេះ។
ជាចុងក្រោយនេះ បងប្អូនប្រជាពលរដ្ឋសូមសំណូមពរដលប្រមុខថ្នាក់ដឹកនាំរាជរដ្ឋាភិបាល និងប្រមុខថ្នាក់ដឹកនាំខេត្ដ មេត្ដាមានចំណាត់ការទៅលើក្រុមឈ្មួញឈើទាំងអស់នេះ ទៅតាមផ្លូវច្បាប់ បើនៅតែបណ្ដែតបណ្ដោយបែបនេះទៀត ប្រាកដជាអស់ព្រៃធនធានធម្មជាតិគ្មានសល់ទេ ហើយម្យាងទៀតនោះ នាក់រកស៊ីដឹកជញ្ជូនឈើអត់ច្បាប់នៅក្នុងស្រុកនេះ សុទ្ធតែជានាក់មានអំណាច ចំពោះប្រពលរដ្ឋធម្មតាមិនដឹកបានទេ បើដឹកក៏បានត្រឹមតែដឹកស៊ីឈ្នួលយកកំរ៉ៃពីថៅកែធំៗដែរ បើថ្លើមធំហ៊ានដឹកដោយខ្លួនឯង សូម្បីឈើតែមួយដុំនិងត្រូវគេចាប់ភ្លាម តែបើក្រុមឈ្មួញទាំងអស់នោះវិញ ដឹកបានដោយសេរីមិនដែលឃើញហ៊ានបង្ក្រាបទេ៕
