ខេត្តកំពង់ស្ពឺ ៖កំលាំងផែនសន្តិសុខ នៃស្នងការដ្ឋាននគរបាលខេត្តកំពង់ស្ពឺ ដឹកនាំដោយលោកវរសេនីយត្រី មួន លាង នាយការិយាល័យប្រឆាំងភេរវកម្មនិងឧក្រិដ្ឋកម្មឆ្លងដែន និងលោកអនុសេនីយត្រី ជីន សុភាព នាយរងផ្នែក ការិយាល័យសន្តិសុខផ្ទៃក្នុង បានសហការជាមួយ ការិយាល័យជំនាញនគរបាលប្រឆាំងបទល្មើសសេដ្ឋកិច្ច និងលោកវរសេនីយត្រី អ៊ុំ សារិទ្ធ អធិការរងទទួលការងារ សន្តិសុខនៃអធិការដ្ឋាននគរបាលស្រុក
ភ្នំស្រួច ដោយមានការចង្អុលបង្ហាញនិងបញ្ជាពីលោកឧត្តមសេនីយ៍ត្រី សម សាមួន ស្នងការនគរបាល
ខេត្តកំពង់ស្ពឺ និងលោកស្នងការរង ទទួលផែនប្រឆាំងបទល្មើស នៅព្រឹកថ្ងៃទី០៧,០៩,២០១៧ វេលា ម៉ោង០៩ ព្រឹក បានចុះបង្រ្កាបបទល្មើសជួញដូរផលអនុផលព្រៃឈើខុសច្បាប់ ដែលក្រុមឈ្មួញដឹកជញ្ជូនយកមកលាក់ទុកនៅខាងក្រោយភូមិរបស់ប្រជាពលរដ្ឋ ស្ថិតនៅចំណុចភូមិបន្ទាយរការ ឃុំក្រាំងដីវ៉ាយ ស្រុកភ្នំស្រួច ដកហូត
បានឈើចំនួន១៧កំណាត់ និងបន្តរុករកឃើញនៅភូមិបេង (ត្រពាំងក្រាញ់) ឃុំចំបក់ ដកហូតបានឈើចំនួន២១កំណាត់និង៣កន្លែងទៀត ស្ថិតនៅភូមិក្រាំងចេក ឃុំចំបក់ ឈើចំនួន៥៧កំណាត់ ឈើទាំងអស់ជាប្រភេទឈើម្រេញ សរុបចំនួន៩៥កំណាត់។
នគរបាលបានប្រគល់ឈើទាំងនេះជូនកំលាំងរដ្ឋបាលព្រៃឈើផ្នែកបរសេដ្ឋ ហើយបច្ចុប្បន្នរក្សាទុកនៅប៉ុស្តិនគរបាលរដ្ឋបាលចំបក់បណ្តោះសន្នសិន រង់ចាំចំណាត់ការបន្តតាមនីតិវិធីបញ្ជូនទៅតុលាការ ៕
