កំពង់ធំ ៖ នៅវេលាម៉ោង០៦ព្រឹក ថ្ងៃទី០៣ ខែកញ្ញា ឆ្នាំ ២០១៧ មានករណីចងកសំលាប់ខ្លួន នៅភូមិប៉ាង ឃុំច្រនាង ស្រុកបារាយណ៍ ខេត្តកំពង់ធំ។តាមប្រភពពត័មានពីសមត្ថកិច្ចបានអោយដឹងថា ជនរងគ្រោះឈ្មោះ សែម ស៊ុយ ភេទប្រុស អាយុ 24 ឆ្នាំ នៅភូមិប៉ាង ឃុំច្រនាង ស្រុកបារាយណ៍ ខេត្តកំពង់ធំ បានយកខ្សែនីឡុងចងកសំលាប់ខ្លួនឯងទៅនឹងមែកដើមទឹកដោះខាងមុខផ្ទះ បណ្ដាលអោយស្លាប់កាលពីវេលាម៉ោង១០និង ៣០នាទីយប់ លុះព្រឹកឡើងទើបដឹង។
សមត្ថកិច្ចបានបន្ដថា មូលហេតុគឺ ជនរងគ្រោះកាលពី២ថ្ងៃមុនបានសុំលុយម្តាយចំនួន 500.000 រៀល( ហាសិបម៉ឺនរៀល ) ដើម្បីទៅធ្វើការនៅភ្នំពេញ ប៉ុន្តែម្តាយគ្មានលុយអោយ ទើបជនរងគ្រោះឆ្លើយថា ចឹងចាំធ្វើបុណ្យអោយកូនផង ។
ក្រោយកើតហេតុសមត្ថកិច្ចបានធ្វើកោសល្យវិច្ច័យ លើសាកសពពុំមានស្លាកស្នាមអ្វីផ្សេងទេ ទើបធ្វើកំណត់ហេតុរួច ប្រគល់សាកសពអោយសាច់ញាតិក្រុមគ្រួសារយកទៅធ្វើបុណ្យតាមប្រពៃណី៕(ដោយសុផាត)
