កំពង់ធំ ៖ កាលពីវេលាម៉ោង០៥និង១០នាទី ល្ងាចថ្ងៃទី០១ ខែកញ្ញា ឆ្នាំ២០១៧ ប្រជាពលរដ្នបានប្រទះឃើញ សាកសពបុរសម្នាក់ អណ្ដែកទឹកស្ទឹងតាំងក្រសាំង បង្កអោយមានការភ្ញាក់ផ្អើល នៅកន្លែងកើតហេតុក្នុងភូមិវាំងខាងត្បូង ឃុំតាំងក្រសាំង ស្រុកសន្ទុក ខេត្តកំពង់ធំ។
បើតាមប្រភពពត័មានពីសមត្ថកិច្ចបានអោយដឹងថា ជនរងគ្រោះមានឈ្មោះ នុត ពៅ ភេទប្រុស អាយុ៤៤ឆ្នាំ រស់នៅភូមិវាំងខាងត្បូង ឃុំតាំងក្រសាំង ស្រុកសន្ទុក ខេត្តកំពង់ធំ បានបាត់ខ្លួន កាលពីវេលាម៉ោង១២អាធ្រាត ថ្ងៃទី៣០ សីហា ២០១៧ មូលហេតុផឹកស្រាស្រវឹង បាត់បង់ស្មារតី ដើរវង្វែងធ្លាក់ទឹកស្លាប់ដោយខ្លួនឯង ក្រោយពីសមត្ថកិច្ច ធ្វើកំណត់ហេតុ និងធ្វើកោសល្សវិច្ច័យរួច ពុំមានស្លាកស្នាមអ្វីនៅលើខ្លួនសាកសពនោះទេ ទើបសន្និដ្ឋានថា ជនរងគ្រោះពិតជាបានស្លាប់ដោយ លង់ទឹកប្រាកដមែន រួចប្រគល់សាកសពអោយសាច់ញាតិក្រុមគ្រួសារ យកទៅធ្វើបុណ្យតាមប្រពៃណី៕(ដោយសុផាត)
